韓牌CONTOUR簡約運動鞋 功能潮流元素兼備

簡約運動鞋流行多年，熱度不減。黛安收到風，最近韓國時裝品牌National Geographic Apparel都推出咗一款CONTOUR All-Rounder shoes，鞋款利用麂皮和唔同物料交織，更特意採用彈性極佳嘅EVA物料製成透氣舒適鞋墊，可減少雙腿每一步嘅壓力，如果着住去跑步，富彈性嘅IP中底可有效穩定雙腳重心，提高穩定及防禦性。呢個系列仲邀請咗韓星金多美做品牌大使，由佢演繹出鞋款輕鬆融入個性穿搭，突顯春夏嘅清新氣色。

公關姊妹仲話，CONTOUR系列掌握春季色系趨勢，以大地色為主色，顏色療愈柔和，鞋部兩側有撞色綫條和3M反光細節點綴，鞋頭及鞋面都印有品牌標誌性嘅logo，設計簡約和諧，無論着住返工、返學，或假日作為休閒輕鬆穿搭，都好易襯衫。再加上有約4厘米嘅增高鞋底及低鞋口設計，露出腳裸延伸腿部綫條，迅即可變身長腿女生。系列有5個顏色選擇，仲設男女尺碼，於National Geographic Apparel專門店及官方網站有售。