湯怡遭真鼻涕滴面嚇到彈開

湯怡與傅嘉莉前晚上《流行經典50年》，宣傳有份演出的《反黑路人甲》。提到劇中王浩信在湯怡面前痛哭，兼流出超長鼻涕，湯怡笑說︰「場戲講我昏迷咗，合埋眼瞓喺度，所以唔知王浩信喊到條鼻涕咁長。我以為鼻涕係假，直到導演嗌cut，一開眼見到佢流緊真鼻涕，嚇到即刻閃開。」她透露與王浩信有場車廂親熱戲，由於車廂狹窄，她拍攝時十分緊張，但為了順利完成，她主動提出大家親密一點︰「場戲好快拍完，但因為補拍劇照，所以又錫多幾次。」

傅嘉莉喊戲獲讚

同場的傅嘉莉在第一集中喪父爆喊，演技獲好評，她開心說︰「呢場戲一take過，我放咗好多感情落去，現場燈光師見到都覺得我好淒涼。拍攝時，我幻想自己無咗爸爸嗰種感覺，因為屋企人年紀都大，又曾經身體唔舒服，就投入咗情感。」她透露及後有場戲情緒更加激動崩潰，她喊到連對白也講不清楚。

攝影︰林良明