天垂象，見吉凶

我已經有30幾年無去過太空館了。呢排又有股衝動想再去，重新認識宇宙。

自問自己嘅天文地理常識，一直都唔識。天象中，只知有星星、月亮、太陽、金星、木星、土星、火星……好似就係識咁多！點解無端端會突然對天象有興趣？全因呢個多災多難嘅庚子2020年。好多預言家，都係從星象計算出嚟。於是我亦因為follow佢哋嘅拆解，去研究下。當然點睇都唔明啦。淨係佢哋話順行或逆行幾多度……都睇到我成嚿雲，都唔知啲恒星向左走定向右走。

不過宇宙真係有好多信息，懂天象嘅人絕對睇到一啲內裏嘅奧秘，所以以前嘅皇帝，身邊必有這些人才解玄機。

近期有一位好hit嘅印度14歲占星神童阿南德（Abhigya Anand），在去年8月透過占星術，成功預測到新冠肺炎疫情會在11月爆發。他再預言全球由於今年12月20日，木星與土星將完全重疊，會有一場更大的災難發生；這災難比新冠更嚴重，並將持續至2021年3月21日。

呢個禮拜日，6月21日夏至當日將出現日環食（古代人甚至形容為天狗食日）；日食帶橫跨亞洲及非洲，但在本港只能看見日偏食。若天氣情況許可，大部分面向西方且沒有障礙物的地點，都可能有機會睇到過程。

「天垂象，見吉凶。」此句話是出自《易經》，意思是大自然的變化，會顯現到人世間吉凶禍福的變化。而相傳天狗食日的出現，也會啟示一些人間的吉凶福禍。咁奧秘嘅題目，一篇文章豈能講得晒，一於下期再繼續。

（本欄逢周四刊登）