陳山聰惋惜賭王離世

陳山聰曾與三房的何超雲拍拖，他昨日現身電視城拍新劇時被問到賭王逝世，他稱︰「大家都知佢係一代賭王，對好多人嚟講都係好惋惜嘅事，希望賭王一路好走。（慰問何家上下？）呢段時間都係唔好騷擾人哋喇！」

黎芷珊難忘姑丈笑臉

何鴻燊姪女黎芷珊接受《晴報》電話訪問時稱︰「雖然有心理準備，但都好難過。（最後一次見面？）好耐之前。佢入醫院後無見過，不過有同佢家人聯絡。」問到與姑丈的難忘事，她回應︰「佢係好有心嘅人，細個比較多接觸，當時爸爸未過身，經常成班親戚聚會，Uncle（何鴻燊）好好人又成日笑。爸爸走咗（離世），佢一直都好照顧我哋屋企，我細佬結婚時，佢專登嚟同我哋家人影張相，真係好感激。」

劉德華：何博士貢獻良多

劉德華曾於90年代拍了兩套以賭王為故事藍本的電影，他在戲中扮演的「新哥」有勇有謀，當時連賭王都大讚華仔演得神似。對於賭王病逝，昨午劉德華回應︰「何博士這一生對社會貢獻良多，希望他一路好走。」