家長孩子齊閱讀增感情 漫遊經典繪本故事場景

黛安小時候都好鍾意睇故事書，原來今年係英語兒童繪本大師Eric Carle經典童書《The Very Hungry Caterpillar》出版50周年，聽講太古城中心特別喺8月17日至9月15日打造咗一個《world of Eric Carle童心童閱》活動，以《The Very Hungry Caterpillar》、《10 Little Rubber Ducks》同《Papa, please get the moon for me》為主題，重現呢三部經典繪本嘅故事場景。

好多家長都會同孩子一齊閱讀，增進親子關係。太古城中心喺活動期間，都會同「Oh！爸媽」平台合作舉辦「world of Eric Carle童心童閱親子講故事比賽」，想參加嘅家長同小朋友要喺8月18日或之前，喺三本指定Eric Carle繪本故事書入面挑選部分情節，加上自己嘅創意去演繹出嚟。而8月26日至9月1日會有公眾投票，被選出入圍嘅10組參加者，可以喺9月15日去太古城中心參加決賽，冠軍可以獲得總值3,000蚊嘅誠品書店現金券、紀念獎座同獎狀啊！

另外，除咗三大互動玩樂區將繪本有趣故事活現眼前之外，誠品書店準備咗有10場親子工作坊同家長故事學堂，透過活動導師同大家一齊分享Eric Carle嘅繪本作品，仲有一連串藝術同手工藝活動。黛安好期待進入故事世界喇，你哋都唔好錯過呀。