美心「全城救包日」 招募義工齊送暖

食得唔好嘥，係黛安媽媽自小教落，最近就知道美心集團會喺8月1號舉辦「全城救包日」，招募義工將剩餘麵包送到食物銀行，幫助有需要人士，認真熱心！

唔講唔知，美心集團嘅「剩餘麵包捐贈計劃」今年已經踏入第10年，截至去年底，共捐贈超過475萬個麵包畀受惠者。公關姊妹話，8月1號嗰日，會由1至4人做一組，大概晚上7點至10點，會到美心西餅和東海堂等分店，收集剩餘麵包再送到食物銀行嘅麵包收集點。

如果想報名參加活動，即日起就可以啦，截止日期係7月15號。報名表格︰http://bit.do/BreadRescueDay。