賀年「公平珍寶豬」 撑公平貿易又環保

相信大人細路都食過珍寶珠，今年新年社企公平點，就推出咗加大嘅Jumbo版「公平珍寶豬」，除咗入面藏有3款共21粒有機公平貿易糖果外，仲要係超環保，全身都可以拆解循環再用，用來做賀禮最適合不過啦！

呢支「公平珍寶豬」貫徹公平點可循環再用嘅理念，以甘肅婦女車縫嘅錦緞桌布，包住糖果，再加上食品級不鏽鋼飲管，或實用天然木筷子手製而成。好食得嚟又實用，錦緞桌布可循環用作桌布，飲管或木筷子可以做餐具。大家幫襯後，仲可以協助甘肅農村婦女，提升佢哋收入同社會地位，咁有意義，一定要買嚟支持下呀！