情人節之選 7仔換購Brown x Kitty頸枕

雞年節日特別密，過完農曆年，下一個「大節」自然係情人節啦。黛安同公關姐妹拜年時收到風，原來7-eleven下周二（7日）起就開始換LINE FRIENDS x Sanrio characters嘅頸枕，唔單止貼心加埋頸扣實行打風都打唔甩，頸枕仲連埋頂帽仔，唔怕吹風個個都變「暖男」、「暖女」。

一套頸枕儲夠40個印花就可以免費換，或者用10個印花加$55蚊又換得。只要喺7-eleven買夠$20蚊就有1個印花，滿$30有2個、滿$40有3個，餘此類推。黛安一早碼實班同事密密掃，一於換番熊大同HELLO KITTY返屋企，實行閃爆過節啦！