東張西望丨大學講師踢爆學生剽竊作品畀低分 反被報警屈非禮申冤 遭校方無視

《東張西望》昨晚報道一名學校設計學系陳姓高級講師被學生報警告非禮，他從事廣告設計已經超過20年時間，2010年開始兼職做講師，直至2022年正式擔任全職講師。陳Sir表示：「從來都冇諗過遇到咁嘅事，教書應該係比白更白，上堂連鹹濕故仔都唔會講，對我嚟講，生不如死都唔能夠形容。」原來非禮案指控的源頭，竟然跟分數低分有關？

{{hket:inline-image name="DE9.jpg"}}{{/hket:inline-image}}

陳Sir透露2022年11月由於學校舉辦資訊日，他事前要求幾位成績優異的學生提交作品，其中一位正是楊同學，「收到作品之後我都不以為然，後來發現係剽竊。」事後陳Sir跟楊同學解釋低分的原因，亦有提醒她剽竊的嚴重性，「佢（楊同學）有向部門主管追問點解打印咁細張，其實因為呢件事對學校幾羞家，佢當時反應唔好，就咁一句ok就行開。」同一日下午大約5點，超過10名警員到達學校，陳Sir被通知要接受調查，指他10月28日約早上11點非禮一名吳同學，案發學校7樓三部升降機對住的長凳，指他用右手在吳姓同學大髀向上摸再揑一下，並有目擊證人，目擊證人正是涉剽竊的楊姓同學。

{{hket:inline-image name="DE1.jpg"}}{{/hket:inline-image}}

{{hket:inline-image name="DE4.jpg"}}{{/hket:inline-image}}

陳Sir表示：「如果我真係色魔，都搵獵物去一個暗角位啦，當時三部𨋢都用緊，隨時有人出嚟，而且有三部閉路電視。」《東張西望》都有公開幾位報案同學的口供，發現吳姓同學及多個作供的目擊證人所形容的服飾跟CCTV看到的不相符。最終陳Sir不被起訴，但他被「誣告」一事卻不了了之，「警方只係話：『陳生，你而家都冇案底啦！』聽完真係好火滾，呢個係我最期望出現嘅後果，其實我唔介意真係告我然後上庭！」

{{hket:inline-image name="DE5.jpg"}}{{/hket:inline-image}}

他要求校方調查事件，希望權力人士翻查CCTV去了解事件，可惜遭校方拒絕。被懷疑是色魔，陳Sir受盡千夫所指，最弔詭的是學校竟然繼續安排陳Sir教授楊姓同學，高層拋下的一句更令他無語：「我聽完真係覺得比粗口更難聽，佢叫我畀分小心啲！」《東張西望》今晚將會電話訪問楊同學，未知是否能還陳Sir一個清白。

撰文：娛樂組