TVB旅遊飲食節目《大灣區美味好玩攻略》由麥長青（麥包）、江美儀擔任主持，本周有「芊芊」郭柏妍夥拍首次拍攝旅遊節目的「東張女神」鄧凱文擔任嘉賓，後者更大方以水著上陣浸溫泉！
同場加映：黃智雯演戲欠自信望離巢有突破 嫁有錢老公靠美食愛犬添情趣
本周《大灣區美味好玩攻略》將帶觀眾遊走惠州及深圳，昨晚（1 日）一集四位主持玩轉惠州，先後遊覽水東街、惠東縣臨海景點，一邊享受價值 168 元人民幣（約 182 元港幣）雙人輕食套餐，一邊欣賞一望無際、通向太平洋的蔚藍大海景色。當中水退才能前往的情人島、韓劇式浪漫礁石禮堂是情侶至愛打卡熱點。
鄧凱文自揭夢想婚禮條件正是陽光與海灘，形容這裡是「峇里島 2.0」的她，笑謂希望將來能在此舉行婚禮。隨後四人轉到以奧地利哈爾施塔特小鎮為建築藍本的五礦哈施塔特文旅小鎮遊玩，無論草坪、廣場、建築都充滿歐洲風情，鎮內有不少工作坊體驗活動啱晒一家大細遊玩，美儀姐與郭柏妍「母女檔」上陣製作彩色朱古力，溫馨滿瀉。最後四人還挑戰膽識邊行玻璃橋邊欣賞美景。
最後一站的南昆山溫德姆溫泉酒店可謂全晚焦點，鄧凱文繼去年參選港姐後，再次以泳裝呈現觀眾眼前，相反師姐郭柏妍卻由頭包到落腳勁密實，搞到鄧凱文以為自己著錯泳衣：「師姐，你話我哋一齊著泳衣上位嘅！」郭柏妍笑說：「上位有好多種方法嘛，你呢個其中一種，我嗰種就另外一種，你上位可能快啲，我嗰個就難講啲！」兩女玩盡溫泉水上樂園中的泡泡池、4D 暴風雨沉浸式體驗的「幻．水界」，及懸空透明無邊際泳池，入場費都只需 168 元人民幣（約 182 元港幣），值回票價。
而今晚（2 日）播出的最後一集，四人轉戰深圳繼續吃喝玩樂，並於大型商場玩盡多項活動，包括唱K、打棒球、踩滑板、鐳射 War Game、馬術體驗及與羊駝玩樂等。之後麥包先後帶大家到擁有300多年歷史的甘坑古鎮，及逾1,700年歷史的南頭古城；兩個極具歷史性的古蹟經活化後，吸引多間食肆和小店加入營商。其中一間火鍋店為搞 gimmick，提供「古裝服體驗」，貪玩愛新鮮的郭柏妍和鄧凱文即換上古裝造型大玩「穿越」，齊齊回到古代打邊爐，場面搞笑。
此外，二人還無意間發現麥包錄製了《好男人》黑膠唱片，郭柏妍驚喜表示：「原來你係歌手！」麥包解釋數年前應友人邀請錄歌做慈善，可惜撞正疫情一直發布無期，如今黑膠唱片終於面世，希望大家支持一下！
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
撰文：娛樂組
圖片：大會提供