東張西望丨梁敏巧收花大曬男友視角浪漫靚相 網友急問女神感情狀況：求就係求

《東張西望》女主持平日採訪又勇又強，獲觀眾美譽為「東張女神」，梁敏巧近日人逢喜事精神爽，上星期剛剛榮升《東張》錄影廠的主播，昨日在IG大曬男友視角的靚相，相中的她捧住大束藍白兩色的鮮花，一臉甜蜜笑容，她寫上：「夢想成真・奇蹟・神的祝福 #梁敏巧 #maggieleung梁敏巧 #valentineday」其中一張相，她一邊手捧花，一邊手做出半個心形的手勢，而影相掌鏡人則做出另一半心形的手勢，疑似是公開戀情，事業愛情兩得意？

東張西望丨梁敏巧極速上位坐廠照著貼身衫 感激前輩幫忙教：甩咗嘴好唔開心【下一頁】

{{hket:inline-image name="424768515_18415085041001189_1042317194447510800_n.jpg"}}{{/hket:inline-image}}

梁敏巧分享這幾張甜到漏的照片，加上寫到明情人節，令不少網友估計女神「封盤」，搞到一地都是玻璃碎，大家都紛紛留言問：「被求婚！？」、「女神真係要結婚， 我呢次暈低一陣陣」、「被求婚了」、「又收花，係咪嫁得？」、「真羡慕那位幸運兒」等等，連同事徐文浩（Fred）都以為是真事，連忙送上恭賀的說話。

《晴報》致電梁敏巧求證，她回覆時表示：「求就係求 ，不過係我女仔朋友送花比我請求我幫佢花店宣傳下囉，所以唔止yes I do ，yes I done 添啦！（咁你而家有冇拍拖？）嘻嘻，秘密！」

梁敏巧展東張女神膽色食牛波子 生滾1分鐘後分享試食口感【下一頁】

問到梁敏巧的擇偶條件，原來這位「東張女神」的對象要求都幾特別，她說：「外型喜歡肉肉的，有小肚腩。性格我鍾意佢孝順、善良、幽默，要能夠接受我的一切！」未知是否要接受她經常性感派福利畀網民呢？

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組