雯雯丁蟹上身歪理反鬧張致恒債主 被踢爆的士出入 半夜窮搲3塊尿片

「貧窮KOL」張致恒（Steven）與太太雯雯日搲夜搲，總算暫時解決欠租問題。近日KOL Sean大爆Steven向債主賴皮嘅錄音後，雯雯即化身女版丁蟹，狂數債主借錢時當Steven兄弟，發現對方冇利用價值就反面要求還錢，完全係憑實力借錢嘅表現。

同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

{{hket:inline-image name="2_600_600.jpg"}}{{/hket:inline-image}}

{{hket:inline-image name="6.jpeg"}}{{/hket:inline-image}}

Steven曾向債主表示出糧都冇錢還，更疑似冇做性商品店嘅工作。Steven噚晚（4日）就澄清冇辭職，公司亦冇欠薪：「因為上個月我同啲仔一齊病咗成個月，所以淨係返咗七日工。」佢解釋老細曾預支薪金畀佢，所以佢每個月出糧都要扣錢，今個月扣完變相冇糧出。

張致恒向債主賴皮錄音流出 大仔勁削似飢民聞雞髀兩眼發光【下一頁】

雯雯雖然日日鬧老公，不過今次「槍口對外」，竟然數落債主放料畀Sean：「借錢畀人嘅時候就稱兄道弟，最後發現呢個人冇利用價值，就忽然話要全部錢還晒。老實講，你當初願意幫人呢個心我好欣賞你，但係坦白講，你幫一個人嘅時候你都知佢咩情況，佢有乜可能一次過可以還得晒所有錢畀你…佢話想分期還畀你，你又唔接受。」

{{hket:inline-image name="12.png"}}{{/hket:inline-image}}

歪理連連嘅雯雯，反話債主唔肯接受Steven提出每星期還錢，係逼人太甚:「我明白你有幾咁嬲，但係你自己做邊一行，每日追幾多人還錢，應該好明白你逼死佢，你最後只會得唔到一毫子。當初當人兄弟嘅時候又話投資畀人開舖，但係發現呢個人冇任何著數就突然間反面，咁樣會唔會有啲矛盾呢？」完美演繹何謂「憑自己本事借錢點解要還」。

{{hket:inline-image name="1.jpeg"}}{{/hket:inline-image}}

不過，KOL Sean繼續收到苦主同Steven嘅對話截圖，圖中苦主踢爆張氏一家日日搭的士出入；至於另一張cap圖，顯示有網民成為「張氏提款機」，每隔2至3日就過數畀Steven，每次由幾百至幾千不等。至於雯雯辯稱提出每星期還錢，債主亦向Sean表示，根本Steven兩公婆從未兌現承諾。

新年第一擊｜雯雯爆張致恒懶骨頭學吳浩康失敗 唔理兩子嗌肚餓：瞓覺唔讀平安卡【下一頁】

另外，雯雯辯稱已逐步解決問題，但Sean踢爆雯雯仍然私下問網民籌旗交每月萬三蚊租。Sean又大爆雯雯連尿片都搲，雯雯深夜問：「可以賣3塊（尿片）畀我頂住今晚嗎？我完全唔知冇晒，今晚唔知點算。」家長好心送尿片，仲約好第二朝交收，結果家長苦等半個鐘，先發現雯雯放飛機！

{{hket:inline-image name="3.jpeg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】        

撰文：娛樂組
圖片來源：IG、YouTube截圖