的士點搞好？

聽到的士要搞罷工，本來有點擔心同事工作時截唔到的士，不過好彩最後搞唔成。

聽電台節目，主持也說出了大家對的士各問題的心聲：拒載、短途唔載、長途唔載、過海唔載、輪椅唔載、有些司機極之沒有禮貌，令市民對的士業界累積了很多不滿。可能有六七成司機都不太有禮貌，所以不是只得一粒老鼠屎壞了一鍋粥的情況。

我個人來說，最怕是遇到「擢」到頭暈的司機。踩油之後忽然踩clutch剎車，然後又再踩油、剎車，搖來搖去好辛苦。有一次我實在受不住，只能說「唔好意思，我想嘔」，司機才慢下來。

公道來說，其實有時也遇到好心的士司機。有見過司機看到乘客是行動不便的長者，立即落車去扶。又試過一次搭的士時，對方不小心走錯路，去到目的地後說：「小姐，唔好意思行錯路，呢程我唔收錢啦。」這情況下我反而不斤斤計較！

的士業界把責任推向白牌車，可是市民的感覺是白牌車的服務比的士明顯更好，究竟可以點搞？歸根究底，的士服務跟不上時代進步是主因，與其搞罷工，不如先搞好的士業界。

（本欄逢星期五刊登）