張致恒爆雯雯心臟病第四胎搵命博 自費結紮：等半年又有咗點算？

張致恒（Steven）跟雯雯的婚姻關係迂迴曲折，鬧離婚的同時又宣布懷孕，日前雯雯成功為Steven誕下第四胎兒子張天樂，Steven亦宣布自己將會接受結紮手術，網友們一致支持。Steven昨晚開直播談及結紮一事，回應大家的提問之餘，他自爆太太雯雯有心臟問題，只能剖腹產子，四胎已經是極限，所以他決定接受結紮手術，他笑言不介意被笑「離婚KOL」或「結紮KOL」，最重要大家睇得開心。

同場加映：枱底隧道丨ERROR割席死腳膠賣錯式感情觀 許願集郵心中女神靠「全民追星」？

{{hket:ul-video id="9184"}}{{/hket:ul-video}}

張致恒徇眾要求終於計劃結紮 四年抱四疑廣告文 網友大表支持【下一頁】

{{hket:inline-image name="yh_600.jpg"}}{{/hket:inline-image}}

{{hket:inline-image name="kWUwq2EoiTQ30or1PtLO9N47gVY7XZ5HjdKsxY3SrMU_600.jpg"}}{{/hket:inline-image}}

Steven坦言湊四個小朋友絕對不容易，他累到白髮都長滿頭，他表示四個仔之外，還有三隻狗、兩隻龜，所以忙個不停。他在直播中輪流讓三個仔張天寶、張天牧及張天朗亮相，但剛出生的張天樂就沒有露面，他表示日前已經完成結紮手術，「其實好多謝大家支持，好開心有你哋支持，唔係我都唔夠膽面對世人。好多人問我做乜冇啦啦做手術，其實我生第二個仔已經有呢個諗法，不過硬係覺得做手術好似冇啦啦整個傷口畀自己咁，一直都唔夠膽做，去到第四個就真係下定決心，其中一個原因係因為老婆身體，佢生四個真係好傷，你試諗吓佢同一傷口割四刀喎！所以做個負責任男人，結紮手術由我嚟做！」他表示沒有刻意追女兒，只是沒想到自己能力這麼強，將來有錢的話可以考慮領養一個女兒。

不少網友問為何Steven選醫療中心而不去家計會，Steven解釋：「家計會好繁忙，如果要排期最少排半年，呢次日間醫療中心價錢差唔多，我怕家計會等半年，萬一唔小心累我老婆又有咗咁點算？（唔戴安全套？）邊個話你知我冇戴套？你瞓我床底？好多人就算唔戴套搞幾百次都冇一件生到，有小朋友係緣份嚟呀，佢嚟得到，而我可以養育佢哋係我福氣！」他表示無論是為老婆、幾個仔還是為大家「食花生」都好，他已經做了手術，微創手術過程只有15分鐘，連同麻醉藥及休息等都不需要一小時，他笑言：「最煩係要剃晒啲毛，因為外國人長大（多體毛），我老婆鬧我，剃晒毛搞到水渠塞咗。做完手術唔會痛，少少扯住囉！」

雯雯為張致恒順利誕下第四胎又係仔？ 「今天的經歷永遠不會忘記」【下一頁】

{{hket:inline-image name="stevencheung_118749499_672110266728059_7204017748436962230_n_600_600.jpg"}}{{/hket:inline-image}}

{{hket:inline-image name="354785122_223053987216228_4239577764729762708_n_600_600_600_600_600_600.jpg"}}{{/hket:inline-image}}

{{hket:inline-image name="What_600_600_600_600.jpeg"}}{{/hket:inline-image}}

{{hket:inline-image name="318230192_441971624624320_376986807960791334_n_600_600_600_600.jpg"}}{{/hket:inline-image}}

Steven指結紮後不是百分百安全，「紮咗唔係一定安全，都有0.05%機會中，如果咁都中，我真係去買六合彩啦！（試行房？）我老婆啱啱生完冇耐咋喎！不過咁紮咗之後，醫生話頭20次盡力排走啲貨，因為精子會殘留喺入面，所以頭三個月一定要做避孕，三個月後去驗身，確保冇晒活躍精子之後就可以唔使再做安全措施。」Steven爆老婆因心臟問題只可以剖腹，而剖腹最多只可以生四胎，否則身體會好差，「佢心臟有問題，生四個真係有風險，佢今次係用條命去博呀！而家生咗四個，我都唔會後悔啦，其實我有諗過捐精，但費事周圍都係張致恒。」

Steven自從宣布結紮後，網友對他的態度明顯轉變，在直播的過程中獲得大家的留言支持鼓勵，他表示：「其實我一直都做緊幕前，只係工作比較少，拍戲我都想呀，「你叫我結紮KOL又好、離婚KOL又好，最緊要大家開心，有娛樂畀到大家就OK，唔係EQ高而係境界問題，自從2019年出事開始我被人鬧鬧到化咗！而家收入交到租、買到奶粉尿片、食到少少飯囉，每個月都啱啱好！網上難聽嘅說話？冇所謂啦！生活係自己嘅，最緊要自己生活開心。」他表示開心直播有維持300人觀看，預告將會繼續拍YouTube片或直播帶貨，希望大家多多支持。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組