張致恒(Steven)經常被老婆區燕雯(雯雯)在IG數臭︰冇畀家用又不時對住太太發脾氣,罄竹難書......他們的關係似乎很惡劣,屢傳婚變,網民取笑雯雯做「離婚KOL」,加上張致恒被指欠債纍纍冇晒朋友,Twins等人跟他割席。男方大崩壞,近日建立「形象工程」,在IG貼相護妻,又照顧囝囝起居飲食,務求塑造好好先生、好好爸爸形象洗底。
同場加映:
前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長
兩公婆的關係表面上看來超差,但7月時雯雯又離奇自爆懷第四胎後,張致恒即一反常態變得高調,接受傳媒訪問之同時,不時在IG作「形象工程」︰帶囝囝返學又為家人下廚,兼且在工作上表現積極;還有一家大細行書展,張致恒變湊仔公,身上抱住一個,又推著兩架BB車。
雯雯首次曬第四胎孕肚回饋客戶 髮線後移凸肚臍:記錄最核突一面【下一頁】
張致恒效法太太雯雯喺IG搵食 準備飛上海登台冇衫𢲷品牌幫手【下一頁】
近日,張致恒再度為老婆出頭,他在IG限時動態貼出電話訊息截圖,大爆有網紅騷擾雯雯,他寫道:「呢位網紅…其實你究竟想點樣呢?不停騷擾我全家,我哋又唔識得你,之前又搵人冒認我老婆嘅社交網,而家又唔知喺邊度搵到我老婆電話send嘢嚟騷擾我哋,其實你要得到嘅都得到咗喇,係人都知你係邊個啦,其實究竟你想點啫?我哋都係養妻活兒搵餐飯啫!」見到訊息內容,對方表示為張致恒推算到雯雯懷這胎都係仔,估算某一個日子出世,問他有沒有需要找專人為BB改名。
7月中,被影到在小食店廚房工作的張致恒,唔係急急跑去搵錢,反而在日前IG直播中透露待老婆生產後才復工。有好心網民提供不少意見,有人建議他考經紀牌,他則表示情願擔任廚房工作,也不想「開箱」直播叫遊說別人買東西。同時,他稱仍然熱愛演藝工作,不會放棄。有人問到第四胎BB的性別,他未有表明,表示在適合的時候才講出來,強調這次是太太最後一次剖腹生產,未來不會再生育。又有人提議做結紮手術,他笑言未儲夠錢,強調自己是一個好男人。
最後,張致恒說,為了太太安胎著想,自己的鼻鼾聲太嘈,兩公婆分房瞓。他亦不忘幫手宣傳老婆的收費IG,若網民想知道她怎樣罵他不濟,就關注女方的社交平台。
這兩公婆搵錢手法層出不窮,雯雯明知自己常在網上鬧爆老公有好多「花生友」,早前開新IG為收費帳號,不派免費娛樂,向每位有興趣follow的網民每月收取50元。新帳號差不多營運咗一個月,免費帳號有過萬人追縱,到現時要「課金」只得243粉絲,增幅十分緩慢。難怪她如此著緊,出新帖文問到有冇人願意繼續「科水」,表示統一每個月15日過數,若未見款項會立即刪除對方追縱。當有傳媒報道張致恒借騷擾一事而宣傳老婆的IG時,雯雯則在原來公開的IG帳號限時動態為自己平反,表示︰「唔洗(使)宣傳!我只係做自己,喺自己平台講想講嘅嘢,就算冇人follow我都係一樣做自己。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:娛樂組