雯雯首次曬第四胎孕肚回饋客戶 髮線後移凸肚臍：記錄最核突一面

張致恒（Steven）老婆區燕雯（雯雯）早前清空佢公開嘅舊IG帳號，淨係用嚟賣廣告，又宣布開設新會員制IG，收取每人每月$50，努力賺錢養家。之前雯雯發布內容都冇咩特別，日前就終於首次曬第四胎孕肚回饋客戶，仲自嘲係最核突一面，真係夠晒real。

同場加映： 李玟今日設靈眾星到場致哀 《中年好聲音》戰友安慰李思林

{{hket:ul-video id="8838"}}{{/hket:ul-video}}

雯雯月前已清空舊有IG帳號，轉開收費IG分享生活點滴。雯雯新IG帳號至今只有239位粉絲，日前佢為咗賣廣告，舊IG帳號「唔用又用」，不過佢就明確表示自己係賣廣告，收費IG先會分享私人生活。而最近雯雯就首次post出佢懷第四胎嘅孕肚，目測已經臨盆在即。

{{hket:inline-image name="34.jpeg"}}{{/hket:inline-image}}

雯雯留言同大家分享自己嘅心情：「記錄下～最刻 (核) 突一面 見到肚臍......已經係最鬆身嘅一件衫。最近差唔多，日日都係着呢件衫，出街見到黃色記得同我打招呼......所以都唔明點解，書展張相咁大嚿黃色嘢喺度，都可以變咗透明，變咗一拖三。」重提當日與老公Steven去書展時，被誤會冇同行。

雯雯自去年開始不停於網上嗌離婚，又不時數落老公「又廢又懶」，仲曾自爆一家陷財困，三個仔冇一般小朋友嘅童年活動，冇錢搭車返學不特止，仲幾乎三餐不繼，唔少網民都好擔心。雯雯同Steven雖然關係惡劣，不過性生活依舊和諧，仲自爆懷有第4胎，四年抱四。

圖片來源：Instagram