雯雯收費IG貫徹始終鬧爆張致恒 背妻溝女數臭老婆：從冇悔疚心

張致恒（Steven）和太太雯雯的婚姻關係時好時壞，雯雯經常在IG數臭Steven反而贏得人氣，獲得不少網友「課金」或者捐贈支持，不過講到好想獨立照顧小朋友嗌晒離婚，轉個頭又爆懷孕第四胎，劇情峰迴路轉。雯雯開設收費IG帳戶，希望增加收入幫補家計，不過此舉受到一眾網友抨擊，更形容她是「離婚界KOL」，借家庭事來賺錢，連Steven都重開塵封多時的IG帳戶，分享自己為囝囝煮飯的照片，大玩好爸爸形象工程，同時雯雯再出擊，在收費IG撰長文揭開丈夫的假面目。

同場加映：

前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

張致恒又冇做小食店等老婆生仔 斥網紅私訊雯雯：我哋都係搵餐飯【下一頁】

{{hket:inline-image name="32423_600_600_600.jpeg"}}{{/hket:inline-image}}

雯雯以黑底白字撰長文，解釋自己苦心經營IG全是因為有負面情緒無渠道發洩，收費是搵錢生第四胎同交租，所以沒有考慮過會影響老公的形象，影響他的工作。而她在文中提到Steven疑似背妻不忠，稱︰「你溝女對住啲女仔去數自己老婆嘅時候，你又有冇諗過我？」

雯雯的長文內容如下：

的確我係好失敗，我承受唔到外界嘅打擊，甚至壓力。今日嘅新聞導致我變咗騙子。收到好多msg，話我借張致恒出位，如果唔係邊有人識，但我從來冇諗過要出名甚至做一個名人，我只係已經被逼到爆煲，諗唔到其他地方去發洩，所以就會不停打一啲嘢出嚟，去發洩自己嘅不滿同情緒或者委屈。

我從來冇諗過後果，亦都冇諗過之後會發生嘅事，我只係嗰一刻好辛苦，所以就打出嚟，而去到要做一個收費嘅平台，一來我唔想有啲黑心或者根本唔係關心自己嘅人出現喺平台，二來我就嚟要生，唔係偷唔係搶唔係犯法，我都需要諗盡辦法去找錢畀屋企交租同生活，咁啱有IG咁樣提議我就嘗試。

試問有邊個會鍾意畀人笑做小丑，甚至不停畀人鬧？但係我冇辦法，我搵唔到呢筆錢，我成個屋企就會瞓街，我又可以點樣選擇，畀人話乞兒畀人話嘅所有嘢，一個正常嘅人都唔會開心，但係我一直同自己講捱過咗，呢一段時間嘅時間就會好，一定要過到而家先有之後。

諗番轉頭，點解我會變到咁癲點解我要不停發洩我嘅不滿？可能係因為受嘅傷害已經去到極限，承受嘅委屈已經去到冇可能再收埋，你要去怪我去製造負面新聞倒你米？影響你嘅事業？甚至所有嘢？

點解你唔諗吓五年裏面，你有冇真真正正改變過安守本份？我喺屋企捱生捱死，大住肚照顧小朋友，你有畀任何嘅金錢我哋去食飯買奶粉尿片睇醫生？我都係靠自己，不停搵朋友，嗰段時間，我從來冇質疑過你任何嘢，我只係同自己講好快就會過，你好快就會返嚟，但係結果我換來嘅係乜嘢？你溝女對住啲女仔去數自己老婆嘅時候，你又有冇諗過我？

我今時今日公開去講你去發洩，我相信你嘅傷害唔會夠我大！我一次又一次原諒你畀機會你，甚至再一次懷孕，但係你從來冇悔疚心，只係怪我點解要公開，無可奈何，我而家冇能力，一定要人幫手，但係我相信我生完我一定會有出路，我唔需要再停留喺度...

至於個收費IG，好多謝真正支持我嘅人去之前（支持）我同關心我，但無奈我好失敗，我承受唔到外界嘅評論甚至打擊，所以過埋今個月我會取消。預先畀咗錢嘅朋友，我會退番錢俾你哋，我希望從此之後所有嘅人都可以放過我。

雯雯首次曬第四胎孕肚回饋客戶 髮線後移凸肚臍：記錄最核突一面【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組