《說笑之人》揚威海外 吳肇軒收古天樂鼓勵電話

新片《說笑之人》導演區焯文、主角袁富華（Ben）、吳肇軒（軒仔）和伍詠詩等前晚出席首映禮。日前電影公司公布Ben和軒仔在《第17季芝加哥-亞洲躍動電影節》，分別奪得演藝事業成就獎及璀璨新星獎，二人將於日內前往當地領獎。Ben感謝所有台前幕後工作人員，「喺疫情最艱難下拍攝，加上資金有限，真係難能可貴。」

對於有網民猜測票房僅得200萬，軒仔笑言電影未正式上畫，票房已告急，「如果票房過二千萬，我哋開個棟篤笑，同埋煲粥去謝票。」軒仔又透露收到古天樂的鼓勵電話，「有一個人一定要多謝，就係古天樂先生，佢睇完戲打畀我傾咗兩個鐘，講有乜改善嘅地方，收綫之後，我去廁所，點知佢又打嚟，結果喺廁所再傾半個鐘。」

採訪︰Pauline

攝影︰林良明