被MC張天賦爆新MV資源多 Dear Jane︰佢講嘢唔好信

樂隊Dear Jane昨日現身銅鑼灣，為《保誠香港網球公開賽2023》記者會擔任嘉賓，結他手翁厚樑（Howie）自言從小打網球︰「我六歲開始爸爸叫我學，打到十幾歲，直至有一日執起結他，就放棄咗網球拍，有啲遺憾。」Dear Jane今晚推出新歌《浮床》MV，同屬華納的MC張天賦早前受訪時，戲言Dear Jane有雙倍資源拍MV，昨日四子聞言大感愕然，主音黃天翱（Tim）指MV預算確實不少︰「我陣間問下MC，不過佢講嘢唔好信，下次佢三倍（資源），我哋就四倍，多謝華納。」

另外，Tim太太楊洛婷早前赴加拿大探望病重的祖母，現已回港。Tim稱︰「佢到加拿大落機見嫲嫲，嫲嫲見埋孫女，第二日走咗，佢好安樂咁離開，大家唔係十分傷心。」另外，Tim指大女Tanya今日生日，他完成活動後便去買禮物︰「生日呢啲老婆搞掂晒，我哋開小型派對慶祝。」

採訪、攝影︰Steven