鏡頭前大膽窒鄭裕玲 魏浚笙識做呵番讚似細路女

鄭裕玲（Do姐）主持的HOY TV旅遊節目《去邊啊Do姐》，昨晚一集與魏浚笙（Jeffrey）到日本歎世界。二人到日本橋一間和菓子老店，當品嘗白豆沙和菓子時，Do姐問Jeffrey︰「白豆沙比紅豆沙係咪淡啲？」Jeffrey即更正︰「唔係，紅豆沙濃啲。」Do姐聽到一頭霧水反問︰「咁我講淡啲有咩唔啱？」Jeffrey即指導Do姐︰「應該用清澈嚟形容。」其後，二人品嘗以玄米做主題的和食套餐，Do姐想先由濃味食物開始，即被Jeffrey否決︰「唔得！應該由淡食到濃。」Do姐問菜色是否鮮味？Jeffrey竟回應︰「唔係！」搞到Do姐好激氣。

不過，Jeffrey其後賣口乖大讚Do姐好young，「好似同個細路女溝通，係細路女嘅樣貌，智慧就高超。」火速令Do姐怒氣盡消兼冧爆。