30年後英倫相聚再合照 黃偉文梁朝偉遺失招牌鼻鏈

梁朝偉日前在威尼斯影展獲頒「終身成就金獅獎」，原來偉仔與太太劉嘉玲隨後往英國，更與填詞人黃偉文（Wyman）、吳君如等食飯聚會。Wyman前晚上載與偉仔的合照，並以二人1993年出席活動的合照作對比，只見他們30年前均戴鼻鏈上陣，造型前衞。

Wyman搞笑留言︰「哈哈，大家搵唔番條鼻鏈出嚟。（有keep先驚啦）真係足足30年之後先有機會再合照。再講咩邊個個樣變咗邊個無乜點變都係多餘，骨膠原流失係自然定律，係對閱歷同智慧嘅奉獻，最緊要大家都算無穿無爛，仍然為自己所信所愛努力緊。」此外，無綫為慶祝偉仔得獎，特地安排特備節目《光影裏的梁朝偉》，播映偉仔主演的電影《暗花》、《無間道》，以及將在下周三（13日）起重播經典劇集《新紮師兄》。