蔡思貝胞兄激罕曝光

無綫旅遊節目《貝遊歐洲》今晚播出第四集，蔡思貝遠赴北威爾斯，走入森林挑戰超巨型韆鞦及真正「過山車」，事前要簽下生死狀，果然夠勇。思貝坐在巨型韆鞦上，以90度俯衝向下，事後說︰「好彩頭先唔係食得好飽，嗰下離心力好勁，如果頭先嗌爆咪真係唔好意思！」

至於明晚第五集，一向被指貌似「打機達人」達哥（林慧韡）的思貝，特別到蘇格蘭格拉斯哥探訪胞兄，思貝笑言「收埋」哥哥多年，身邊好友、粉絲亦未見過對方。不過，思貝哥哥樣貌跟達哥完全不像，反而眼細細有點似陸浩明。原來思貝哥哥在蘇格蘭生活差不多17年，兄妹相逢即深情擁抱。思貝說︰「諗唔到第一次嚟蘇格蘭探你，係因為拍旅遊節目！」思貝哥哥更親自下廚，炮製思貝最愛的蒸水蛋，雖然失敗收場，但思貝依然感動︰「你咁多年都無煮過嘢食畀我，今次真係第一次，多謝你！」