預告拍攝旅遊真人騷 張敬軒拒帶蔡卓妍出埠散心

張敬軒（軒公）昨日為旅行品牌概念店擔任開幕嘉賓，他透露正忙於策劃YouTube頻道的旅遊節目《軒公周遊遊》，首季預計五集，製作費高達千萬。軒公說︰「我會先到澳洲取景，嘉賓年紀由十幾至幾十歲都有。（跟鄭裕玲的《去邊啊Do姐》打對台？）唔係，同Do姐比，我哋只係小本經營，我哋類似真人騷，會赤裸上身，係咪好吸引呢？（你都會？）我會着風褸，入面真空。」

問到會否邀請剛甩拖的蔡卓妍（阿Sa）參與旅遊節目，讓她順道散心？軒公稱︰「佢自己會處理感情事，當然陪伴係需要，大家真係唔需要為佢擔心。」他指數周前與阿Sa飯聚，對方完全沒有異樣。軒公感觸道︰「人去到某個年紀，知道感情事難以勉強，最緊要搵一個夾自己嘅人。」

採訪、攝影︰Steven