認擔任港姐司儀照稿讀 陳豪願下屆Encore︰放馬過嚟

首次擔任港姐決賽司儀的陳豪，與陳山聰、陳展鵬及蕭正楠的表現備受批評，網民指他們照稿讀、與佳麗毫無交流等。昨日陳豪出席劇集《破毒強人》宣傳活動，他回應說︰「（網民）講得好好，我自己都未搞得掂，嗰晚我但求過關，唔好講錯嘢，我睇番都覺得唔舒服。做司儀係需要時間磨練，畢竟係第一次，OK啦，畀多啲時間訓練，我會係一個出色嘅司儀，因為我係Moses Chan，本身就係MC。（下屆再做？）即管放馬過嚟。」

至於擔任最上鏡小姐評判的張曦雯（Kelly），大讚10號佳麗陳霈錤決賽表現佳，兼且有「冠軍相」，驚訝最後三甲不入。昨日有報道指亞軍王怡然的父母疑騙財，有網民認為應褫奪王怡然的當選資格，Kelly認為王怡然是獨立個體，父母的事不應放在對方身上，希望外界給予她空間。

採訪︰Pauline

攝影︰林良明