單親家庭長大 梁朝偉自身經歷勉勵基層

梁朝偉（偉仔）昨日出席《兒科醫學會鵬程奮進堅毅獎學金2023》頒獎禮，他頒獎給基層學生後，致辭時不忘勉勵大家。偉仔稱在單親家庭中長大，「每個人或多或少都有缺陷，有啲係心理上，有啲係生理上，我都係。喺我六、七歲時，爸爸有一日就消失咗，我同妹妹係由媽媽一手湊大，因為家庭環境唔好，我中學未畢業就要出嚟做嘢幫補家計。」偉仔自覺十分幸運，找到自己有興趣的工作，同時不斷進修，「我對待每一個工作都好認真，我唔夠膽話自己好成功，但起碼做到我自己心裏面嘅要求，我同大家一樣都係一個普通人，如果我都可以，所有人都可以。」

採訪、攝影︰倪小珊