孖日籍緋聞男友開餐廳 龔嘉欣︰我哋裏應外合

龔嘉欣有份投資的多元化概念餐聽前晚在尖沙咀開張，其日籍緋聞男友兼甜品大師松岡哲也亦在場，嘉欣繼續否認戀情，並以生意拍檔來形容對方。她表示︰「做生意唔係咁容易，自己真係落手落腳，所有嘢都係自己做。（平時同緋聞男友一齊整甜品？）我哋係裏應外合，我做管理，佢做出品，我哋都有嗌交嘅，因為大家都係好執着嘅人，對產品要求高。」問到投資了幾多位數？嘉欣拒絕透露，只稱是跟整個集團合資，未來兩個月會再開分店。

至於黎諾懿前晚以飲食集團創意總監身份現身，「我係嚟協助嘉欣開多啲分店，喺餐廳氣氛、燈光都畀意見。」他指希望在演員以外建立自己的生意。

採訪︰Pauline