「龔水」陷離婚危機 張景淳否認暫別《愛•回家》

《愛•回家之開心速遞》演員張景淳、呂慧儀及劉丹（丹爺）等昨日出席宣傳活動，近日《愛•回家》劇情拆散「龔水CP」，「龔燁」失憶變回賤精，二人面臨婚變，「龔燁」更被安排到外地出差，似乎要暫別劇組。昨日二人否認分開，呂慧儀說︰「無拆散到，只係我哋平凡生活有啲小風波，令感情更進一步。」對於觀眾嗌罷睇，他們說︰「好開心大家對我哋嘅事咁有感覺。」

張景淳否認暫別劇組︰「劇情話我會出差，之後都講番我出差、遠距離（戀愛）嘅嘢。（幾時回歸？）等緊編劇寫我之後返嚟，有第二個故事方向，其實（龔水）有啲危機，先有新方向再發展。」呂慧儀亦幫口︰「其實嗰集個名叫《告別之前》，觀眾即刻問『又走？』，真係好肉緊。」另外，在內地發展飲食生意的張景淳，透露下月在深圳開設旗艦店，呂慧儀冧讚︰「公司真係唔養閒人，個個都周身刀！」此外，有傳劉丹的前新抱楊冪爭女兒「小糯米」撫養權，更頻頻來港探女，丹爺拒談家事︰「唔講，外面廢話連篇。（兒子劉愷威唔鍾意？）係人都唔鍾意啦，無啲咁嘅事。人在做天在看，上天自會安排。」

採訪︰Steven