林子博返港切口水腺瘤隨時歪面 手術臨時加5小時：唔知埋單幾錢

前TVB娛樂新聞台主播林子博2021年帶同一對仔女，移居英國展開新生活。一家三口上月趁學校放暑假，返港拜祭亡妻董燕君，亦有跟圈中好友見面及應邀出席一些活動。但子博此行還有另一個重要原因，就是入院接受切除口水腺瘤手術，最驚險是手術時間由3個鐘變8個鐘，嚇親家人及朋友。

同場加映：掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

{{hket:inline-image name="08223002.jpg"}}{{/hket:inline-image}}

{{hket:inline-image name="08223001.jpg"}}{{/hket:inline-image}}

子博在其YouTube頻道「子博在英國」報平安，並詳述今次返港做手術過程，「今次帶小朋友返嚟放暑假及拜老婆，另一個最主要目的係做手術，切除口水腺瘤，位置喺耳仔對落嘅位置。其實係2021年時都摸到有粒嘢喺下面，大概1、2cm左右，一直都冇理佢，直至7月左右突然脹到好似半個乒乓波咁大，咁當時我真係有啲驚……跟住隔咗幾日就縮番細，我就開始冇咁驚。」

林子博偷拍鄰居曬太陽被責急刪 網民鬧感覺猥瑣：影衰晒！【下一頁】

子博指2021年8月帶仔女過英國留學，所以一直冇理會腫瘤問題；直至安頓好所有事情及辦理當地國民醫療保險後，才去處理面上腫瘤。當地醫生建議他盡快切除腫瘤，雖然抽組織後確定為良性，但始終是一個計時炸彈，所以接受手術。惟之後醫生告知手術詳情，子博得知開刀範圍頗大後，感非常之擔心及猶豫。後來決定返港後，子博想聽取其他醫生意見，期間聯絡上保險公司，獲介紹一位專科醫生，開刀範圍較細；加上保險有「免找數」條款，就算手術費逾17萬幾，最後只需補萬幾元的差額，於是落實今個月頭入院做手術。

林子博無忘與愛妻結婚20周年 仔女嫌黐身催拍拖：我似獨居老人【下一頁】

正當一切都理想地進行時，過程突然出現變數，「本來係咁諗嘅，因為醫生同我講手術係做3個鐘，但最終我係做咗8個鐘，所以唔知埋單係咪萬幾就得。醫生一早講過最擔心開刀之後，發現組織被三叉神經線包圍住，會令手術複雜好多；事後醫生話畀佢估中，個粒組織有好多神經線包住。如果唔咁細心去做，會影響我面部神經線，包括會影響個嘴、面部肌肉同隻眼，如果整得唔好，我以後會單眼或者歪口歪面，會好多問題。」子博知道手術時間增至8小時，令身邊人頗為擔心，幸好手術最後順利完成，他感謝醫生及醫療團隊的照顧。

（↓點擊圖片放大↓）

子博如今已經出院，日前為細仔卓楠慶祝14歲生日，而他今晚（22日）聯同梁雪瑤及陳美儀，於中環參加《子瑤有你音樂之夜》活動，預告會上台唱歌，相信已康復得七七八八。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】