杜汶澤搞女團選拔保送韓國出道 林子博17歲囡囡林詠渝入圍初選

從影多年嘅杜汶澤早年被中國封殺，2018年3月創辦網絡傳媒平台「杜汶澤喱騷」，2020年又到台灣發展長居，後向中華民國內政部申請就業金卡成功，在台灣陸續成立「光復影視娛樂有限公司」與「小杜良品」品牌；後陸續擔任高雄市台港文化交流協會理事長，並入籍台灣、取得中華民國身份證。

同場加映：七仙羽曾出手拯救尋死女藝人 無懼花無百日紅為港人帶來歡樂

{{hket:ul-video id="6151"}}{{/hket:ul-video}}

後來佢又為「喱騷」推出「喱DAO」6,594隻嘩嘩蛙NFT，「喱DAO」今個暑假於全球港人招募， 組一隊港產女團係「香港出世、韓國出道、進軍國際」。今年8月包勝出嘅4人機票住宿到韓國接受訓練，由現任LIONHEART ENTERTAINMENT CEO、親手捧紅 4MINUTE 及 BEAST嘅朴忠旻監製，大賢＠B.A.P擔任排舞師同導師。

{{hket:inline-image name="280569560_2536619089805323_5284816113935115584_n.jpg"}}{{/hket:inline-image}}

女團招募15至26歲嘅香港女生，早前「喱DAO」公開所有參賽者影片及開始首輪投票，176位參賽者可以話係「燕瘦環肥」咩都有，有唔少本身都係知名嘅KOL，其中一位仲係前TVB藝員林子博嘅女林詠渝。

現年17歲嘅林詠渝本身都係小童星，曾參與9部電視劇同1部電影，佢嘅代表作為《我的如意狼君》中扮演周麗淇角色「徐芯」嘅童年版；另外又不時隨父親參與綜藝節目，年紀小小就淡定有台型，非常有表演欲。不過2016年之後就甚少有幕前演出，2020年10月詠渝媽媽因患上平滑肌肉瘤離世，翌年8月隨爸爸移民英國。詠渝會於社交平台更新佢喺英國嘅近況，不時會上載佢跳舞嘅片段，片中見到佢跳舞功架十足，睇嚟好有機會成為「喱DAO」女團一員。