英國Home Tour｜林子博$12000租市區兩房新樓嗌抵 出第一份糧 開心食牛雜慶祝

前無綫娛樂新聞主播林子博早前帶同一對子女，移民到英國展開新生活，他在YouTube開設個人頻道「子博在英國」，不時分享一家人的消息。昨日（3日）子博又上載新片，跟網民來個Home Tour，介紹現時以1100元英鎊（約12000元港幣）租住的公寓。除了發現新屋附送爆趣「驚喜」外，他亦興奮同大家講自己已收到了在英國工作的第一份糧。

{{hket:inline-image name="11041016.jpg"}}{{/hket:inline-image}}

{{hket:inline-image name="11041007.jpg"}}{{/hket:inline-image}}

同場加映：【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

子博在最新的片段中表示一家三口已搬屋，他當日抵達英國時先住在酒店，再透過Airbnb租兩層樓的居所，最終再搬進一個位於市區新樓的兩房單位，「而家終於搵到我嘅落腳點，本來係住鄉下地方，因為有朋友住嗰頭，好無奈地，天意唔想我住嗰度。因為住一個地方首先要搵到學校，無奈嗰頭學校唔收我一對仔女。我個女情況係因為佢已夠16歲，呢度16歲唔一定要讀書，所以佢哋唔係好積極幫我個女搵學校，始終覺得佢可以出嚟做嘢；我個仔就係強制教育，最終竟然係冇（收），佢哋畀信我解釋話而家學生已經返緊學，如果畀我個仔插班就會影響其他同學仔進度，所以唔會收我個仔……封信有講可以上訴，但是無謂啦，阿女都要搵學校，最終被迫唔喺鄉下住，於是搬咗去市區。」他指市區較多學校，所以收生方面較積極，最後亦順利為子女搵到學校讀書。

離世一年｜林子博發長文悼念亡妻董燕君 「呢一日係我人生最痛苦…」【下一頁】

Home Tour由屋外走廊開始拍攝，入屋後見到洗衣房及客廁，第一間房間是主人套房，暫時見到房間布置簡潔，並沒有太多雜物；而第二間房面則放了兩張雙人床及一個衣櫃，面積也頗大。Home Tour中子博對客廁作重點推介，指洗手盆將冷熱水的水龍頭分開安裝，「有個攞你命三千係咩呢？就係呢個洗手盆，呢個係凍水（水龍頭），呢個係熱水（水龍頭），如果我想用暖水洗手咁點呢？你畀兩個水龍頭，一係洗熱水，一係洗凍水，我冇得洗暖水，除非我落個塞，兩邊（龍頭）開晒，浸咗個暖水出嚟就可以洗手。無理由係咁嘛，新樓發展商咁得意！」他再爆客廁門鎖看似很實淨，但鎖頭卻可輕易地被拔出來；公寓用料差的地方還有大露台，露台的地磚被發現鬆脫，當踩上去就會凸起來。

（↓點擊放大睇圖片↓）

子博透露這個單位是新樓，業主是今年年中才收樓，「發展商好似hea啲囉，有好多位唔係執得咁好，用料差啲，業主都同我呻過……呢個單位好平，租1100英鎊，即係12000港紙左右，已經包埋車位及全屋所有嘢，我只係帶喼、電腦入嚟，眼見（屋內傢俬電器）都係業主包埋，所以覺得幾抵。小朋友搵學校又易咗，兩個都有學校收。阿女就返緊學，佢好恨着校服，因為覺得英國校服好靚；佢都話開始習慣，有啲朋友仔主動同佢傾偈，甚至約佢晏晝食飯……而家主要生活係咁，已經叫做settle（安頓）好，喺兩個半月之內，兩個小朋友已經搵到學校，有固定住所同埋返緊工。出咗第一份糧啦，食牛雜啦！呢個係我英國第一份糧，好開心！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】