確診新冠病毒︳林子博發燒又發冷 家中自我隔離 鄧小巧：唔好當Covid係世界末日

新冠病毒持續肆虐全球，身處英國的前無綫娛樂新聞主播林子博，昨日（9日）在社交平台宣布「中招」，於英國當地確診新冠病毒，連續3日發燒至39度，身體不時發冷及周身骨痛。他懷疑兒子在學校帶病毒回家令其感染，現正在家中進行自我隔離。

{{hket:inline-image name="01101007.jpg"}}{{/hket:inline-image}}

{{hket:inline-image name="01101006.jpg"}}{{/hket:inline-image}}

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

子博聲音疲憊表示：「1月7號夜晚開始發覺自己有啲唔舒服，沾寒沾凍、發燒，周身唔聚財，feel到自己作感冒。當晚已經入房瞓，但半夜起身覺得好辛苦，就食咗啲all in one嘅感冒藥，同埋有做探熱，體溫係38度幾，咁就做（病毒）快速檢測，當時仲未係有嘢，咁就無再理，覺得係普通傷風感冒。但去到今日（即1月9日），我同朋友講起，朋友就話我持續幾日發燒，應該係中咗（感染新冠肺炎），原因係我第一日做嘅檢測，身體含菌量唔係好高，可能出嚟結果唔係好準確，就叫我再做多次。當我再做一次，出嚟嘅結果就係……中咗。」

子博透露近幾日都有發燒，連續3日體溫都是39度，今日（9日）量體溫是37.9度，「病徵就無喉嚨痛，咳同鼻水有少少，味覺正常，希望係感染Omicron，因為有人話Omicron無Covld-19咁重症。而家無辦法，惟有自我隔離，首先要通報呢度嘅NHS（The National Health Service），呢度就唔同香港，一有就入竹嵩灣（檢疫中心），呢度必須要喺屋企自我隔離，咁我就可以睇住我對仔女，但某程度我都擔心佢哋中招，唔知嚟緊佢哋會唔會發病，係無人知，希望唔會啦。」

英國Home Tour｜林子博$12000租市區兩房新樓嗌抵 出第一份糧 開心食牛雜慶祝【下一頁】

至於感染源頭方面，子博根據過去十日八日的行蹤猜測，指一家三口於除夕夜同一對夫婦在伯明翰慶祝，事後問過對方無被感染，而他自己亦沒有再參與其他聚會，只是日常接送仔女返學，到超市購物及去油站入油，只有駕車時在車廂除下口罩，「真係唔知邊度惹番嚟，最有可能係超市，有時啲包裝唔知有無菌，一係就仔女喺學校惹返嚟……阿仔其實已好醒，由佢第一日返學，班房28人得佢一個有戴口罩，佢就話我哋係咪要打針呢？跟住我哋一家就去打針。最近佢話放學返嚟食飯，因為學校canteen個個唔戴口罩，佢返班房戴番都無意思。佢防疫意識好高，呢幾日都係返屋企先食飯，喺學校都無除口罩。可能避免唔到喺學校惹到啲菌上車，我就係咁中咗，我估係咁！」

離世一年｜林子博發長文悼念亡妻董燕君 「呢一日係我人生最痛苦…」【下一頁】

不少網民隔空送上慰問給子搏，「請你多點休息，多喝水，儘快康復，渡過難關，你一定得嘅！」、「防不勝防的病毒，好好休息，最緊要保持積極心態，捱過幾天就會好，要幫忙時要找朋友，祝你早日康復」、「子博唔使擔心㗎！呢個Omicron嚟得快走得快，我住LA，我屋企有三個中咗招，身邊有好多朋友都中招，個個都自我隔離10日之後，兩日前個個返番工，真係好似感冒咁，好快冇事，唔使擔心，只要你哋打哂針就得喇！避唔到，梗有一個喺左近，支持你，努力加油，祝你快啲好番」及「加油！沒事㗎，我哋都喺UK，之前我朋友一家五口中招，小朋友3日就好咗，但老人家就14日都好番。」

（↓點擊放大睇圖片↓）

此外，剛接受外籍男友求婚的鄧小巧，在網上分享去年確診的經歷，希望大家不要太過驚恐，「2021年4月，我去加拿大探白先生期間，我同白先生都感染Covid-19。首先我先有病徵，喉嚨有少少痕癢，我就去做檢測，一日後醫療單位打畀我，話我確診。然後問我有冇背痛、發燒、咳嗽等各類症狀，然後叫我在家休息隔離10日。冇錯，喺加拿大如果你唔係重症例如有呼吸困難、心臟問題等佢哋都係叫你在家隔離，因為差不多時間白先生都有朋友感染，有啲人比較嚴重但都係在家隔離。我唔係叫大家掉以輕心，叫大家當Covid係一個joke（某啲社交限制措施先係一個joke，唔使我補充），但亦都唔好當Covid係世界末日。我只係想同大家講：做足要做嘅措施，其他就交畀個天。足足兩年，總不能喺恐慌同擔憂中度過。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}