洪永城污糟碗碟堆十日堅持唔洗 被老婆Inez爆有味有蚊滋都唔理

洪永城和太太梁諾妍（Inez）結婚兩年，育有一女「洪寶寶」Amber（又名：SirFace），兩人恩愛非常不時在社交平台曬恩愛，又會一齊跑步強身健體。兩公婆近日接受楊詩敏（蝦頭）及連詩雅（Shiga）主持的「ChillGood」YouTube平台節目《絲打圍爐》的訪問，成為節目首對受訪的夫妻檔。洪永城表示偶然會幫忙做家務，但認自己堅持不洗碗，曾長達十日冇洗碗惹蚊滋。

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

數你條命丨梁諾妍恨追孖胎驚洪永城唔得 吳若希斷言不再追第三胎【下一頁】

{{hket:inline-image name="tong6.jpg"}}{{/hket:inline-image}}

洪永城和Inez都異口同聲認同夫妻關係最重要是聘請到一個非常好的外傭姐姐，但兩人未婚仍是同居時代，家務分配是如何呢？洪永城揚言：「碗我就唔洗呀喇！」Inez說：「佢最憎洗碗，未同佢一齊嗰陣已經講明最憎洗碗，好似見面第一日已經講。我都唔係特別鍾意...冇人做囉！係呀總要有人做，試過有一次十日冇洗碗，屋企所有碗碗碟碟全部都用晒，因為要用所以要洗，所以係我，我洗咗嗰十日嘅碗碟，我好記得用咗兩個半鐘去洗。」

身旁的Shiga大感愕然，笑指十日碗碟能夠疊得好絕對是一門藝術，洪永城自信說：「我疊嘅，我疊完之後仲覺得有少少味道，我就攞壺熱水倒落去，辟一辟味然後走。然後聽日再疊上去，再倒熱水，淥一淥佢，都唔洗！」洪永城表示沒有曱甴出沒，不過Inez承認因為這個壞習慣而惹來蚊滋。

阿媽唔信我去亞馬遜｜洪永城遭擊中「小Tony」痛到企唔直 胡美貽被惡劣洗手間嚇到唔敢睇【下一頁】

{{hket:inline-image name="355071545_232423126309707_834635770471233288_n.jpg"}}{{/hket:inline-image}}

Shiga稱平常她就算不洗碗都頂多可以捱兩日，洪永城笑言若果忍不住就會聘講鐘點女傭，「個鐘點咩都唔使做，淨係嚟洗碗。」洪永城稱自己喜歡簡潔的生活，平時物品都會整理得好妥當，但太太Inez就剛剛相反，她自認是較「Carefree」的一種生活，洪永城即時糾正：「你係Don't Care！」

洪永城指自己的袋會每次用完清空放好，但Inez每個袋都有物品在入面未清未換，Inez笑言：「我啱啱檢查自己個袋都發現有餅碎喺入面。」果然是一凸一凹的一對，非常可愛。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組