成人教科書丨洪永城「斷捨離」10歲妹妹心愛玩具 搞喊細路被負評：睇到都心痛

TVB節目《 成人教科書 》洪永城會帶領小朋友參與各種校外體驗，探討下唔同背景嘅小朋友對呢個世界嘅認識！
節目以實驗形式安排主持人洪永城同23位小朋友透過唔同任務，了解唔同既有理念。第一周主題係「男女」，其中一個環節稱為「性別斷捨離」，即係要家長將其中一位參加者何朗怡(Koey）睡房入面關於性別嘅物件拎走，睇下大人會唔會做到。

同場加映：年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

日前一集10歲妹妹何朗怡睡房十足小城堡，係媽媽嘅構思，由細到大媽媽都灌輸女仔「應該係點」嘅概念畀佢，而朗怡都好喜歡呢啲安排，鍾意一啲女性化、偏公主系嘅嘢。

{{hket:inline-image name="21.JPG"}}{{/hket:inline-image}}

呢個任務洪永城同Koey媽媽一齊執走何朗怡房入面嘅玉桂狗毛公仔之外，就連粉紅色嘅文具、公主權杖呢啲切合女仔固有喜好嘅物件都一概清走，事先並冇同Koey講會掉晒佢嘅物品。

節目組事後先同Koey講會清走佢間房嘅「女仔嘢」，起初Koey都仲笑住話唔信，話節目組呃人，講多兩講，Koey似乎眼泛淚光，開頭仲強裝鎮定話冇所謂，但入到房忍唔全攬住媽咪喊！而最後洪永城同Koey媽媽都認為，Koey唔開心唔係因為拎走同佢性別有關嘅物品，而係將佢心愛嘅嘢拎走先至咁大反應。

洪永城事後話睇見妹妹喊覺得唔舒服，仲話其實鍾意咩都冇所謂，開心就可以，不過如果唔係節目效果，已經挽回唔到喇，有網友認為呢個環節唔尊重小朋友，冇將心比己：「小朋友就唔使尊重？」、「如果你掉咗我啲玩具我真係失控都似。」、「其他做完之後得到咗咩效果，睇唔明。」、「一就一開頭唔好畀小朋友，唔好畀完又冇問人意見就掉，小朋友唔係你附屬品！」

圖片來源：截圖

撰文：娛樂組