洪永城擔任《成人教科書》主持人，跟23名小朋友相處，使他們提早經歷成年人迫不得已要面對的人生課題，同時引導觀眾就「男女」、「生死」、「你我」及「美醜」四大主題尋找真諦。這個星期探討「生死」主題，小朋友們填死亡證也求神問卜，接受生死教育和體驗野外求生；最大考驗則是參與「生前派對」及「喪禮VS百日宴」。在過程中，洪永城有所體會，平時口花花的他突然感性表示，希望自己比太太早死。
同場加映：
中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價
節目播出以來引發不少迴響，之前一位10歲小朋友感受「斷捨離」，棄掉心愛玩具而失控痛哭。有觀眾覺得對小孩太殘忍，而今個星期節目繼續令觀眾「眼球大開」，但小朋友對禁忌的「生死」主題的反應卻出乎意料之外。
參與拍攝的11歲小童陳穎朗，主動要求體驗遺體化妝，連環拋出豁達金句：「我覺得同平時瞓覺差唔多，純粹唔會醒咁解...遺體化妝唔係好恐怖嘅事啫！每一個人最後都要經歷一次，但係（到時）經歷咗又唔知係點，所以我就想 （趁而家有機會）親身體驗一吓。」他的勇敢卻非父母樂見，陳父激烈反對不果，最後只好「尊重兒子意願」，陳穎朗童真地說︰「其實我試咗又唔代表我會死，我唔試又唔代表我唔使死， 我覺得係一次好好嘅體驗，唔係每個人都有得試。」
成人教科書丨洪永城「斷捨離」10歲妹妹心愛玩具 搞喊細路被負評：睇到都心痛【下一頁】
洪永城女兒嬌嗲聲嗌「爸巴」冧爆 老婆梁諾妍話忍唔住要分享【下一頁】
其實拍攝過程亦遇上阻礙，洪永城表示尋找遺體化妝師遇上困難，「好多業內化妝師都覺得幫小朋友化呢啲妝唔吉利，拒絕我哋。」勇於嘗試新事物的陳穎朗，卸下遺體化妝後，他又去試做百日宴主角，接受如王子式化妝，對於兩大妝容，欣然接受，「意義都係差唔多啫！都係想靚啲。」
網民、觀眾睇到主題及預告已經有反對聲音，「冇嗰様整嗰様！體驗死亡何需用以上嘩眾取竉的方法？帶佢地去善終服務的醫院，體驗一下病人如何安詳地面對死亡，家人又如何與病人話別及共同面對？這才是正確手段，又使唔使叫佢生產房睇下人生仔呢？」
「唔係小朋友更加豁達，而係小朋友根本冇太多人生嘅閱歷，未懂得死亡嘅不捨同傷痛！」當然有人認為是「劇情需要」，「試瞓棺材其實都唔係新嘢嚟。去醫院見病人，是以第三身去睇生死。好似今次以第一身去睇，又係會點呢？有冇用？效果好唔好，試一下咪知。」
節目內，小朋友對於填寫死亡證，感受並未太大，反而洪永城則感觸地說，希望自己比太太（梁諾妍）早死；甚至「懷疑」自己不是父母親生，「細個時屋企人話我聽我喺垃圾桶度執番嚟，一嚟因為我阿哥好靚仔，我好醜樣， 二嚟因為我單眼皮，我全屋都係雙眼皮。細個時我信，到而家我都信！」
另外，11歲的朱梓童參加「生前派對」，她小時患病經歷過重大手術，加上與家人快要移民，種種經歷均令「生前派對」對她別具意義。她站台上為自己控制不了臭脾氣，一再向父母道歉，台下無論親人或是其他參與派對的小朋友均流下感動的眼淚。梓童爸爸以Iron Man形容女兒，全場再陷淚海，場面感人。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組