寵愛Pet Pet丨徐榮演市儈老闆跟陳庭欣擦火花 入行25年仍然有火：最緊要觀眾鍾意

徐榮在《寵愛Pet Pet》中飾演市儈老闆杜志德，雖然不斷笑笑口要求員工狂賣寵物營養品賺錢，但跟所有員工都打成一片，非常親民有趣。入行25年的徐榮過往飾演過不同的角色，但對於演戲的一團火仍然旺盛，就算客串都落力為角色添加色彩，他明白獎項不能夠強求，只願見到每次演出都有觀眾讚賞就心滿意足。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

人夫放假約出去滾丨徐榮曾年少氣盛自認靚仔過林峯 「如果冇生小朋友估計已經離婚」【下一頁】

{{hket:inline-image name="bdbc.JPG"}}{{/hket:inline-image}}

{{hket:inline-image name="2-13.JPG"}}{{/hket:inline-image}}

{{hket:inline-image name="jkhasd.JPG"}}{{/hket:inline-image}}

徐榮坦言今次演寵物診所老闆都有一定的挑戰，「角色性格同行為分開，其實佢個人幾好，有愛心先開寵物診所，但行為就成日掛住搵錢。」他透露跟陳庭欣在劇中都有不少火花，由於兩人地位和身家比較懸殊，有種女尊男卑的感覺，但卻有意外歡樂的衝突感。「我開得寵物診所都叫做有少少錢，但劇集將陳庭欣包裝到好誇張，一行出嚟有幾個保鑣同助手跟住，講說話又唔望人，變成超級富婆嘅感覺。慢慢我哋因為一啲事件而拉近，原來都幾好笑，陳庭欣同我都各有少少想法，撞出嚟效果相當好，就算係床戲都非一般嘅好笑。」

劇中監製用上不少年輕人，為喜劇帶來活力，徐榮坦言在片場中大家打成一片，非常歡樂，而他見證住周嘉洛入行，對他讚口不絕，「抵佢上位咁快，我知道佢好成績係有原因，佢個樣雖然好後生，但佢思維好成熟。因為我同佢係有淵緣，佢藝員訓練班畢業出嚟第一個劇，未正式入劇組要面試，係我幫佢試戲，佢同吳偉豪一齊去《愛回家之八時入席》試戲，監製叫我幫手試戲，兩位都好好，埋位都識得放鬆。」

{{hket:inline-image name="WAH04921.JPG"}}{{/hket:inline-image}}

{{hket:inline-image name="iikd.JPG"}}{{/hket:inline-image}}

{{hket:inline-image name="2-4.JPG"}}{{/hket:inline-image}}

{{hket:inline-image name="thh.JPG"}}{{/hket:inline-image}}

星光路上︳徐榮憶初入行扮死屍當閒角 發展不及同期林峯一度憤世不悅【下一頁】

徐榮絕對是實力演員，過往在《雙生陌生人》、《大帥哥》、《反黑路人甲》、《有種好男人》等劇集都有不錯的發揮，獲得觀眾一致的好評，不過總是跟獎項擦身而過。徐榮表示：「如果早多十年一定會難受，而家多數角色都有發揮，就算客串都有得發揮。野心我係有呀，對角色、對呢一行仍然有火，接到角色就會加入好多自己設計。」徐榮坦言近年重視工作量比獎項還大，「講真人人都想攞獎，做咗咁耐都想有個肯定，但我冇乜得獎名，咁多年公司就算抽獎都係得過一次，廿幾年來只係得一次，仲要唔係大獎係小禮物嗰種。」徐榮表示有時出街遇到街坊大讚他的角色，他都已經感到心滿意足，亦是工作上最大的滿足感。

{{hket:inline-image name="35b1ea3f-81b8-4aac-81c1-f093c346b005.jpg"}}{{/hket:inline-image}}

{{hket:inline-image name="364956308_852847686262430_2148014126823155020_n.jpg"}}{{/hket:inline-image}}

{{hket:inline-image name="2-14.JPG"}}{{/hket:inline-image}}

{{hket:inline-image name="2-18.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：陳健珊、何家賢
撰文：楊安莉