現年47歲的徐榮入行22年，同林峯、楊茜堯及楊明是藝訓班同學，畢業後由扮死屍做起，演藝事業明顯不及其他人，頭兩年更踏入不愉快的「憤世期」，被工作人員見到唔開心的模樣。幸好徐榮積極調節個人心態，最終獲得監製同高層發掘，2007年憑處境劇《同事三分親》裘俊一角入屋，並獲提名無綫頒獎禮最佳男配角及飛躍進步男藝員，雖然未能一擊即中，但已贏得觀眾關注及認同，在之後的《畢打自己人》、《愛回家》及《反黑路人甲》，更有不錯演出。
同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌
{{hket:ul-video id="5697"}}{{/hket:ul-video}}
徐榮這次接受無綫娛樂新聞台節目《星光路上》主持人潘盈慧訪問，分享入行多年心路歷程。徐榮表示：「喺觀眾眼中，會覺得徐榮係幾靜態嘅人，即係無咩嘢講嗰種，其實唔係嘅，我係好多嘢講，好多同事會知我拍劇唔係埋位時，可以同佢哋傾好耐。」徐榮早年曾做過廚師、司機及水喉工人，後因失業才投考TVB藝訓班，但做演員並不是他的首選，「當初係諗住考PA（助理編導），因為細個幾鍾意拍嘢，同朋友會拍啲短故仔自己睇，嗰時覺得拍嘢幾過癮，所以想試吓做幕後，跟住投考就衰咗，反而幕前就得咗。（同期同學？）林峰、楊茜堯、楊明、李中希、趙永洪同陳少邦。（預期畢業後有很多機會？）差好遠，因為訓練班排嘅戲都係主角，嗰時仲唔自我膨脹，我出嚟仲唔係『劉青雲』咁，但點知係『訓練班同學，你瞓住嗰度先』，係由扮死屍開始。（自信心受挫？）有，但頭兩年覺得應該要做呢啲，3、4年後就有啲挫敗感，當時見其他同學開始有成績，林峯已經做主角，我同佢差唔多咋嘛，大家個名都係兩個字……」
人夫放假約出去滾丨徐榮曾年少氣盛自認靚仔過林峯 「如果冇生小朋友估計已經離婚」【下一頁】
徐榮回想這樣起步是好事，至少令演戲基礎打得好些，「都算好快過咗有挫敗嘅諗法，大家叫嘅憤世期，呢啲唔開心嘅樣，工作人員係會睇到，調節咗就態度變積極，就算做過村民甲乙丙，嗌我埋位就即刻應人，畀人感覺係好想去做。有時導演見到會叫我唔使咁大反應，太大會搶咗前面啲主角，變咗自己有時會諗喺呢啲位加啲戲，結果有監製同高層見到，我原來都肯喺後面做吓，要有氣氛就搵徐榮啦。當時嘅工作量係幾好，收入可能仲好過出面一份穩定工作，不如算啦，投入返我嘅閒角世界，到第5年開始有少少嘅角色，開始有戲做，咁就叫開心啲。」
萬千星輝頒獎典禮2020｜徐榮憑「喪鐘」一角入圍男配 「最佳男配角」提名平均年齡高達50歲【下一頁】
機會始終留給肯努力的人，徐榮等足8年遇上《同事三分親》裘俊一角，不但令他成功入屋，並首次獲提名獲提最佳男配角及飛躍進步男藝員。他說：「係好好，有個好重要嘅角色，有得影海報、拍片頭，喺劇入面有個位置。（同江欣燕成經典CP？）欣欣係好好嘅拍檔，估唔到最尾個反應係咁大，初初同佢合作係有啲緊張，因為佢係前輩，識落當然係好Nice，佢為人係好大頭蝦，唔知倒瀉咗幾多杯咖啡。（角色帶來入圍獎項機會？）嗰年第一次入圍，係好開心嘅一件事，可以去party坐吓，戥吓人哋開心啦。（有抱好大希望攞獎？）又無咁諗，但感想係有諗定，假設定先，但理性分析係唔會，獎項係控制唔到，有無獎都開心。」
（↓點擊放大睇圖片↓）
提到另一齣處境劇《愛回家》拍足4年、逾900幾集，細女包包（徐心怡）出世曾客串演出，他說：「監製講劇情講到羅天宇會生個女，初生BB女邊度搵呢？多數搵唔到，啱啱見到我喺社交媒體話生咗個女，初初係有婉拒嘅，監製就話咩都就晒佢，咁就應承咗拍。拍咗十集八集咁，而家諗返都辛苦，佢一入廠就我緊張，啱啱出世一嚿豆腐咁，整親撞親都唔知點算，而家諗返係幾好嘅回憶，個半月大已經拍過戲。」他在《愛回家》飾演大好人「馬強」，之後在《反黑路人甲》就演大反派「喪鍾」，人物可謂兩個極端，他表明喜歡做反派，最想日後做一次人見人憎的人物。至於多年來有否試過抽離不到角色？他說：「嗰時拍《火舞黃沙》係入咗個角色，性格係好躁狂，佢係好多怨氣，點解唔係條村嘅村長，人無錢又成日打老婆，條線寫得好好......嗰個年代嘅人係好大男人，去到銀村拍時好易代入咗角色，自己有少少抽離唔到，嗰排心情唔好，自己係唔知，成日覺得個人有啲氣頂住頂住，好彩嗰時篇幅唔係太多，開一日工可能唞幾日出去行吓，咁樣人就過渡咗。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】