星二代｜徐榮囡囡「單飛」同張智霖拍廣告 年紀輕輕多才多藝獲歌唱比賽亞軍

徐榮囡囡徐心怡（包包）在未滿三個月大時參演TVB處境劇《愛回家》，飾演「馬家好」一角，眼大面圓的樣子十分可愛。不過在《愛回家》播完後，徐榮代愛女宣布「息影」，希望女兒好好享受校園生活，但大家仍可在徐榮的IG見到包包的生活點滴。

{{hket:inline-image name="4nr200027r00r76qpo35_600_600.jpg"}}{{/hket:inline-image}}

不過原來最近包包低調「復出」，更與張智霖及多位小演員一同拍攝換領智能身份證廣告。時隔5年，包包再於幕前演出，不過絲毫不怯場，表情多多十分可愛。

徐榮太太在Facebook上載該智能身份證廣告及拍攝花絮，留言︰「包姐提提大家記得去換身份證啦，包姐都要換。大家見到包姐可唔可以影張相畀我？多謝邀請，識咗好多新朋友。」

（↓點擊放大睇圖片↓）

不少網民表示常常在電視上看到包包，亦有人「後知後覺」，發現原來廣告中的小演員是她。「唔怪之得睇廣告見到咁面善，原來係可愛包包。」、「眨下眼就咁大個女」、「謝謝包包提醒」。有人更大讚包包好叻、好有自信！

徐榮接受本報訪問時今次是包包第一次自己拍廣告，「都好輕鬆，都係成班小朋友一齊拍，需要做嘅動作都唔難，跑下、笑下，對於佢嚟講都無咩難度。」問到Chilam有無大讚囡囡表現，他就表示：「Chilam無讚到......不過包包同Chilam都識咗好耐，係佢2歲時已經識，佢哋一齊出席頒獎禮，不過包包自己都唔記得。」

問到將來會否為愛女接更多拍攝工作，徐榮表示：「我諗拍廣告會方便啲，通常拍4至6個鐘，佢就無咁辛苦。拍劇實在太長時間，一埋位啲時間好難控制，如果可以都係想佢拍吓廣告先。」

{{hket:inline-image name="thurvsv.png"}}{{/hket:inline-image}}

現年5歲的包包年紀輕輕已很有表演天分，在歌唱方面亦很有才華。早前她首次參加名為「我是小歌手 全港兒童歌唱比賽」，便獲得亞軍，十分厲害。爸爸徐榮在Facebook留言：「對包姐嚟講係一個好好嘅比賽經驗，唱完之後佢話畀我知個心跳得好快！」

（↓點擊放大睇圖片↓）

【踩過界II】秦沛姜麗文父女首度同場拍劇 心痛愛女動作戲多 扮路過探班問候 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】