人夫放假約出去滾丨徐榮曾年少氣盛自認靚仔過林峯 「如果冇生小朋友估計已經離婚」

徐榮在節目《人夫放假約出去滾》上，接受林盛斌（Bob）的訪問，大談入行、結婚、做爸爸的不同人生階段，徐榮報讀第13期TVB藝員訓練班入行，同屆同學有林峯、楊茜堯、李忠希、趙永洪、陳少邦、楊明、張美妮、嘉駿等，他憶起當年薪金只有4,000元，大家都想盡辦法賺錢食飯；憶述有天同學找到一家銅鑼灣餐廳做推廣，只要半小時內食清2.5磅的意粉，該餐就免費，於是他們幾個同學一齊去挑戰。

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

星二代｜徐榮囡囡「單飛」同張智霖拍廣告 年紀輕輕多才多藝獲歌唱比賽亞軍【下一頁】

{{hket:inline-image name="275809037_488242326275930_3321063758490642198_n.jpg"}}{{/hket:inline-image}}

{{hket:inline-image name="bob3.jpg"}}{{/hket:inline-image}}

徐榮表示：「你哋真係估都估唔到，張美妮係第一個食完，十幾分鐘就食完，佢仲話可以再食添！嚇到我廿幾分鐘食完佢，因為再唔食晒要畀300蚊！最後邊個食唔晒呢？係李忠希！大家夾份畀錢，每人幾十蚊，都幾好吖！」他直言林峯畢業後極速上位，而楊茜堯先演過一輪姦夫淫婦、師姑、做禮儀小姐等才開始上位，問到當時會否因比較而自卑？徐榮說：「成班訓練班同學，冇比較就呃人，當時成日諗『阿峯做啲戲，我都做到吖』，（最多係佢靚仔少少？）我唔覺得呀！讀訓練班嗰陣，我覺得自己係金城武嗰種，睇自己特別靚仔，我當時覺得自己靚仔過林峯呀！」

徐榮表示這種銳氣在4、5年間慢慢減退，當時離開TVB又心有不甘，出外闖去又不知道如何是好。他專心去做演員。他直言第一次在《火舞黃沙》得到一個可以發揮的機會，沒想到隨後又再次演手下、職員等閒角，「惟有不斷心理建設，加強再加強！」近年，徐榮在不同類型的角色上，造型上花了不少心思，讓觀眾見到不一樣的他，他說：「呢個係我畀自己要求，每齣劇都想有少少唔同，老實講廿幾年，一年有兩至三套劇有你份，我都想觀眾睇到唔同嘅嘢，咁樣對觀眾同自己有交代。」

對於多年來有份角逐頒獎禮的角色獎項，但總是擦身而過，徐榮說：「以前啲頒獎禮有入圍，我諗定好多嘢講，呢幾年已經冇諗，唔係冇咗熱情，只係慣咗……習慣咗呢個行業。反而期望觀眾嘅迴響，話拍得好好就ok，呢啲諗法我可以控制到，但獎項我控制唔到。（都想攞獎？）攞獎唔係因為我想要個獎，而係我好想好想多謝呢廿幾年一班幫過我嘅人。」

萬千星輝頒獎典禮2020｜徐榮憑「喪鐘」一角入圍男配 「最佳男配角」提名平均年齡高達50歲【下一頁】

徐榮憶起，與女朋友拍拖兩年就決定結婚，他形容兩人的愛情來得非常舒服自然，甚至連求婚都冇，「其實我麻麻結婚呢樣嘢，因為好怕煩，後來決定有小朋友就結婚啦！小朋友喺一段婚姻入面好緊要，如果冇小朋友，我諗我一定離咗婚。」直言結婚之後兩公婆目標一致，一切以小朋友為先，難以想像沒有這個目標，關係如何走下去，「拍拖兩年好好，佢照顧得我好好，但時間耐咗好難講，我試過有一年，放低小朋友兩公婆去韓國旅行浪漫吓，點知悶到呢……小朋友畀到一種凝聚力出嚟。」

{{hket:inline-image name="117108714_3473335189354546_1368009503075379451_n.jpg"}}{{/hket:inline-image}}

目前，徐榮大仔徐朗在英國體育學校讀書，因為囝囝有個足球員的夢想，他說：「我同個仔講只係可以供佢供到18歲，你入唔到球隊就要返香港踢波同讀書。估唔到佢今次學業成績都幾好，數學攞A！即刻唔使講嘢，送50英鎊畀佢，點知佢話唔夠，買兩條褲一件衫，要60英鎊！以前阿仔喺身邊我都會鬧吓佢，而家佢喺遠方鬧都冇用，反而建議、鼓勵佢嘅功用大啲！」至於細女徐心怡自細就接拍廣告賺錢，他笑言：「佢2歲人仔已經收到稅單要交稅，叫做搵到奶粉錢，拍吓廣告令佢唔怕陌生人，都係件好事。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓
【立即體驗】

責任編輯：楊安莉