11月回歸紅館開騷 黎明吟詩公布詳情

久未更新社交網的黎明（Leon），昨日出post分享一張戴着耳機的兔仔照片，並留言問大家︰「佢究竟聽緊乜？」之後透過100毛於IG代公布︰「阿明佢今年11月會喺香港紅館開演唱會！」其後貼出一條Leon的錄音，並以快速播放，Leon先承認將開個唱︰「係嚟緊嘅……」並唸出李白的《靜夜思》︰「床前明月光，疑是地上霜，舉頭望明月，低頭思故鄉，提前講聲中秋節快樂！」令網民摸不着頭腦。

100毛為大家解讀Leon的說話，「黎明之所以係黎明，係因為佢做嘢你未必明，但你都會咁愛佢，因為佢係黎明……阿明佢今年11月會喺香港紅館開演唱會，頭場1114你話係咪好任性先～」Leon對上一次紅館騷已是兩年前，期間曾在中環海濱、澳門新濠影滙開騷。