獲高層點名讚收視保證 陳豪把功勞全歸劇組

陳豪（阿Mo）、胡定欣及何廣沛昨日到新城電台宣傳劇集《破毒強人》，為飾演毒梟的阿Mo刻意變聲，帶給觀眾新鮮感，劇集播出首周收視達21.4點，更獲無綫總經理（商務營運）蕭世和公開讚揚。昨日阿Mo拒絕邀功，認為是團隊、監製及編劇功勞，相當謙虛。

昨日陳豪、胡定欣和何廣沛接受薛家燕主持的電台節目訪問，一起宣傳《破毒強人》。談到阿Mo的聲沙演繹十分搶鏡，他說︰「我都唔知觀眾鍾唔鍾意，以前未做切除瘜肉手術前，我都聲沙咗一段長時間，仲記得嗰時我坐小巴，叫五、六次有落，司機都聽唔到，仲要被佢鬧！」提到高層蕭世和日前在FB發文稱讚阿Mo的角色與以往很不同，收視高開屬意料之內，更以「收視豪強」來形容。阿Mo對於被讚是收視保證，謙虛回應︰「我覺得（功勞）係屬於我哋團隊，包括監製、編劇，呢啲劇種得來不易，要TVB肯拍呢種題材，仲有蕭正楠、定欣都無演過呢種方式，觀眾有新鮮感，劇集又有電影感，所以追看性高。」

何廣沛花半年學手語

阿Mo、定欣和廣沛曾於《白色強人2》合作，定欣笑指三人全部轉型，由醫生轉做毒販和啞巴，更難得是大家的角色都有獨立的發揮空間。阿Mo稱︰「今次有創意，咁大膽搵我做反派，一個去販毒，一個又啞、一個又無表情。」而廣沛在劇中以手語演出，獲觀眾封為新一代初哥哥，他指拍攝前半年開始學習手語，又感激每次拍劇都遇上好前輩，「定欣以前都演過啞巴，會明白我嘅辛酸，有佢喺度我放心好多。」

採訪、攝影︰Steven

美術︰梁政敏