傳秘戀A0女神林愷鈴 楊天宇認投契︰我好欣賞佢

28歲楊天宇（Angus）最近與龔慈恩的23歲女兒林愷鈴（Ashley）傳緋聞，前晚Angus與陳家樂結伴出席《陰目偵信》首映禮，並一起受訪。被問及緋聞，Angus指跟Ashley是好朋友關係，「我哋會出街食下飯、傾下偈，（見過佢媽咪未？）拍電影時見過。（佢媽咪鍾意你？）嘩！我唔知道。（無行定外母政策？）都未咩（拍拖），點樣行外母政策呀，有好消息一定通知大家。」當問到是否朝住拍拖的方向？Angus不諱言︰「我哋真係投契嘅，有好多共同話題，我好欣賞佢。」

問家樂可有傳授追女招數？他大讚Angus年輕有為，追女仔經驗較自己豐富，故不敢指教他，但談到行外母政策，家樂則說︰「你錫個女，外母自然會錫你㗎喇。」Angus即尷尬點頭說︰「收到！」