為夢想努力工作 魏浚笙自資出歌無錢賺

魏浚笙（Jeffrey）、袁澧林（Angela）、邱彥筒（Marf）及盧慧敏（Amy）昨日到中環出席品牌活動。剛拍完新戲的Jeffrey說︰「好開心拍咗呢部戲，有少少喜劇成分，角色有啲黑化，拍攝過程幾好玩。」

Jeffrey近日在社交網表示連日開工十分疲倦，要爭取時間補眠，他說︰「唔知係咪天氣悶熱，流好多汗，成日頭痛又好攰。」他表示會多做運動，亦考慮做身體檢查。是否工作太忙所致？他笑說︰「趁後生賺多個錢拍下MV都好，因為我就快出第三首歌，又要花費一大筆錢拍MV。」他表示拍攝最少花六位數字，又坦言之前自資推出的兩首歌也無錢賺，「但我唔會特登去計，因為（出歌）係我嘅夢想。有啲人可能花錢買車、買袋，我就花錢出歌，自己開心就夠。」

採訪、攝影︰Pauline