張致恒效法太太雯雯喺IG搵食 準備飛上海登台冇衫𢲷品牌幫手

張致恒（Steven）與太太區燕雯（雯雯）育有三子，五人家庭，仲有養狗狗，兩個大人打工搵錢，確實養頭家都難。雯雯經常數臭老公唔畀家用又唔做嘢，三句唔埋兩句就話要離婚，嘲男方生產力好低。時光荏苒，雯雯疑似懷上第四胎，大人唔食細嘅都要填肚，又是時候認真想想辦法搵奶粉錢同買狗糧。

搵錢手法層出不窮，女方決定開新IG，變成私人帳號，要入到帳戶「食花生」，麻煩位位每月課金50大元。Steven就乜嘢都做，昨日又在IG搵食，𢲷品牌幫手裝身，到上海登台。

同場加映：

譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

{{hket:inline-image name="32423_600_600.jpeg"}}{{/hket:inline-image}}

夫妻關係撲朔迷離，雯雯多次在IG數臭老公又嗌離婚，好似花生連續劇一樣，天天新款。雯雯怨聲載道，有人同情，有人取笑她是「離婚界KOL」。離奇的是，7月中，雯雯突然撰長文暗示自己第四度懷孕，未知是否要進行搵食大計，深明保持曝光率的重要︰早幾日書展，兩人「和如如初」合體去閒逛，睇相片，Steven湊住三個仔，好似好好先生。

{{hket:inline-image name="What_600.jpeg"}}{{/hket:inline-image}}

張致恒一家六口書展合體被捕獲 KOL繼續爆雯雯與粉絲「荒謬」對話【下一頁】

張致恒食店打工被網民嘲「兜踎」 「洗底」吳浩康勇敢幫口：職業無分貴賤【下一頁】

7月中旬，Steven被影到在一間食店廚房工作，「一頭煙」狀甚麻甩，據知他在天水圍一間小店工作，而呢份工係雯雯幫手搵。其實Steven好歹都係星，歌曲陪住中國人成長，在彼岸點都有市場，好似3月尾嗰陣，他到開平某酒吧登台，肥腫難分，唱BOYZ《La La世界》、《死性不改》等，走晒音仍然落力，他還自備簽名相派給現場觀眾。

Steven能屈能伸，從登台、商業演出到小店幫廚，可塑性高。又有商演機會的他，7月23日在IG的限時動態貼出與囝囝的合照，似足「伸手黨」寫道：「有冇牌子可以借衫？29號去上海唱歌。」究竟有冇品牌會慷慨協助就未知，接著今早又再貼新相，帶囝囝返學去。

{{hket:inline-image name="0.png"}}{{/hket:inline-image}}

{{hket:inline-image name="3.jpeg"}}{{/hket:inline-image}}

上星期，Steven不憤太太疑被網絡歉欺凌而出頭，他寫道：「近日喺某一個直播中出現了一個冒認我老婆IG的情況，呢一個人講嘅說話極度不雅，甚至乎影響我老婆的人格，現在透過律師朋友的意見了解事情，唔排除會進行法律起訴！」這帖文沒有公開留言功能，網民仍然睇唔過眼，在另一帖文留言質疑，「真係有錢請律師？」

另一方面，雯雯的新IG帳戶也不讓人失望，稱自己感覺疲倦，話企唔直個人，差點腳都抬唔起，去到健康院全部人都十分幫手，兼透露驗血報告，指她有貧血，鐵、血色素、紅血球指數全部唔合格，而且曾經發生陣痛超過十分鐘，令醫護人員大為緊張。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：娛樂組