張致恒食店打工被網民嘲「兜踎」 「洗底」吳浩康勇敢幫口：職業無分貴賤

Steven張致恒當年簽英皇入娛樂圈與Kenny關智斌組成Boy’z火速走紅，然而入行20年嘅佢近年負面新聞不絕，除咗性上癮多次拍拖偷食外，仲爭唔少人錢，「貧賤夫妻百事哀」，婚後老婆區燕雯（雯雯）不時喺社交平台數落Steven，三個仔去到冇錢返學，雯雯又周期性嗌離婚，但最近又懷上第四胎，奇葩夫妻睇到網民一邊鬧又要一邊追，好睇過肥皂劇呀！

同場加映：靈戲逼人｜65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

近日有網民影到Steven馬死落地行去小食店打工，不過竟然被口賤網話佢暗指佢「兜踎」，令到Steven一位圈中好友忍唔住幫佢口。Steven早前接受訪問表示自己有固定工作於小食店一星期返4日工，日前有網友野生捕獲Steven，上載佢工作時照片並留言：「啱啱喺重慶撞到張致恒估唔到，佢去到咁遠搵食，唔知道間舖頭係佢開定係慘到要返大陸打呢啲xx工？紋身match咗，都肯x定係佢。」

{{hket:inline-image name="VCG11388697631.jpg"}}{{/hket:inline-image}}

據知呢份工作就唔係喺重慶，而係天水圍一間小店，而呢份工仲係雯雯幫Steven搵，雯雯曾經怨老公放工返屋企當佢係出氣袋：「世界最無奈係你冇錢，要留喺度，我搵工你返，返完，要畀說話我聽，畀面色我睇，畀氣我受。好嘢！」

雯雯同網民都鬧爆，但Steven「前同事」吳浩康就勇敢留言撐：「我好想知樓主係做咩職業？搵緊幾多錢？職業無分貴賤，xx工？你攞你自己份工出嚟講吓先啦！」有網民認同Deep，又指Steven總算肯工作：「成間英皇舊同事，得你敢用自己account為你呢位唔爭氣既朋友出事，真男人👍🏻」吳浩康亦有回應：「我知佢好差，但佢係我朋友。」被大讚有義氣。