張致恒一家六口書展合體被捕獲 KOL繼續爆雯雯與粉絲「荒謬」對話

張致恒（Steven）的太太雯雯再懷第四胎，隨即惹來網民極大迴響，雯雯更食住個勢註冊一個新嘅付費Instagram AC，邊個想follow佢就要畀$50一個月，搵錢手法真係層出不窮。而Steven都有腳踏實地搵工，幾日前畀人影到於小食店工作，唔少人對佢另眼相看。夫妻一舉一動都成為焦點，昨日就有人喺書展野生捕獲佢哋，睇落感情冇受外界影響，非常溫馨。

同場加映：

全民造星V丨Lyman大熱奪冠KC同分屈居亞軍-花姐對Nathan退賽大感可惜

{{hket:ul-video id="8710"}}{{/hket:ul-video}}

{{hket:inline-image name="VCG111229139845.jpg"}}{{/hket:inline-image}}

張致恒爭落周身街數，同雯雯仍無視經濟條件懷有第四胎，一眾網民都熱烈討論。不過二人「世界將我包圍，誓死都一齊」，日前Steven一家六口到書展閒逛，Steven一手推雙人BB車，又用孭帶孭住細仔，等大肚嘅雯雯可以安心兩手fing fing行書展。喺網民影到嘅相中見到，丈夫對住太太微笑，睇嚟關係已經有所緩和。另外，Steven自己都post兩個大仔揭書嘅IG Story，唔少網民見到佢一家終於出街有啲正常家庭樂，都戥小朋友高興。

Steven終於叫做有啲人撐，然而，雯雯被爆料KOL Sean繼續關注，雯雯之前多次公開數落老公「又廢又懶」，日前喺新嘅付費AC繼續倒米，話自己多次畀機會Steven，對方都係「死性不想改」，令大家對男方印象分有減無增。Sean又公開雯雯同一位網民嘅對話，呢位網民問到「Can I be your friend？」，雯雯就回答對方「$50 1個月」，Sean post出嚟表示「我睇咗啲咩？」睇嚟雯雯而家真係非常等錢使呀！

撰文︰娛樂組