想搵龍貫天演梁朝偉角色 李居明構思粵劇版《色，戒》

堪輿學家李居明、新任八和會館主席龍貫天及陳鴻進，昨日到銅鑼灣出席粵劇《小平你好》記者會。談到新光戲院現址正招標放售，李居明透露新光戲院的合約至2025年2月1日，屆時會全幢重建；現時已收回77%業權，會游說仍未答應出售的業主，預計要三至五年才能收齊業權。李居明又指︰「重建後嘅新入則會有三間戲院，清拆同重建預計要六年時間，大約2032年先建成。」問李居明為何不入標競投？他笑說︰「你哋咁抬舉我，要45億呀，我邊有錢。（搵人集資？）依家已經有財團同有實力嘅娛樂界代表有興趣，進展亦好樂觀。」

另外，李居明又透露正構思粵劇版《色，戒》，會說服龍貫天飾演梁朝偉的特務易先生一角。至於湯唯的女間諜角色，是否由陳鴻進反串演出？李居明笑說︰「如果佢肯露，又有人肯睇，我一定會搵佢演。」至於從汪明荃（阿姐）手中接任八和主席的龍貫天，特別感謝阿姐把前事做好，他不擔心外界將二人比較︰「每個人做事方式唔同，阿姐嘅做法我都好認同。」

採訪、攝影︰倪小珊