楊明歸位拍正劇《反黑英雄》 陳山聰挑機奸角袁偉豪

騰訊在六月中透過微博公布，今年與無綫合拍四套劇集，包括《巾幗梟雄之懸崖》、《反黑英雄》、《刑偵12》及《企業強人》。昨日，網上流出《反》劇的故事大綱和演員名單，《反》劇將由出爐視帝陳山聰夥拍好兄弟袁偉豪（Ben），來一個正邪對立。

劇集《反黑英雄》是一套警匪片，由鍾澍佳擔任總監製，將於下月開拍，演員方面有陳山聰、袁偉豪、蔡潔、姚子羚和楊明等。當中，飾演警務人員的山聰、蔡潔和張頴康，與飾演大反派的Ben、黃子恆及楊明互鬥。楊明昨日接受本報訪問，他表示目前只收到九月開劇的通知，「仲未傾角色，我淨係知道要開工。」提到回歸拍攝正劇，會否感到緊張？是否做好心理建設承受外界的批評？楊明只說︰「依家我都係全力拍攝《愛‧回家之開心速遞》，等新劇落實詳情先，知道多啲再同大家講。」

陪三歲兒子放暑假

至於山聰則向本報透露，他於劇中與大反派的Ben是正邪對立，這對好兄弟私下感情要好，經常相約跑步及飯聚。今次相隔十年再次合作拍劇，山聰坦言感到很開心︰「大家識咗咁耐，一齊成長，各有各事業，各有各忙，而且各有自己嘅家庭，有小朋友，十年後再合作，我都想睇下同呢位兄弟會擦出咩火花，因為雖然我哋好熟，但好少合作。我知套劇仲有姚子羚，所以好開心，我會同蔡潔演一對，同佢又係識咗好耐，但係第一次合作，所以我都好期待開工。」山聰又透露趁開劇前，忙於照顧正值放暑假的三歲兒子Jaco。

採訪︰黃曉妍

美術︰梁政敏