自認夠可愛 陳凱琳拒為鄭嘉穎追B女

陳凱琳（Grace）昨日出席煮食爐活動，她透露早年為無綫《美女廚房》任嘉賓後，曾被嘲是「地獄廚神」，令她決心學烹飪，誓要搣甩污名。她說︰「我依家可以煮得一手好餸畀屋企人，老公（鄭嘉穎）都讚我廚藝。（嘉穎喜歡哪些菜式？）我鍾意煮牛扒，但老公唔食牛，我就學整豬扒，開頭唔識煮，出面煮到金黃色，但切落去係生嘅，依家就煮到一手好豬扒出嚟。」

談及本月12日是Grace與嘉穎結婚五周年紀念，15日是嘉穎的54歲生日，16日則是Grace父親牛一，Grace表示會一次過慶祝︰「結婚周年我諗過親自下廚，但我哋兩個好耐無去拍拖，生日同小朋友一齊過，但結婚周年真係想被人哋服侍。」Grace戲言屆時只會買一份禮物及一個生日蛋糕，問到可會送個B女給老公當禮物？身為三子之母的Grace即說︰「嘩，唔使啦，我咁可愛！」此外，她大讚同場出席活動的吳愛子打扮優雅，反而自己打扮如「細路女」。

採訪、攝影︰Steven