現身動漫節神還原達達利亞 謝雪心自薦Cosplay玩上癮

現年71歲的謝雪心（心姐）昨日現身動漫節，擔任《動漫cosplay大賽》頒獎典禮的頒獎嘉賓，心姐戴上橙色假髮cosplay《原神》的達達利亞，令現場人士驚喜萬分。心姐出場時，手執角色道具大耍粵劇功架，並叼着玫瑰花出場，型格十足。

受訪時，心姐透露原本大會僅邀請她擔任頒獎嘉賓，但她自薦cosplay上陣，因為喜愛新嘗試。心姐謂：「我覺得玩cosplay嘅朋友好叻，佢哋由化粧、頭飾、武器、衣服全部自己做，我見到呢個造型都唔認得自己。」問心姐可會玩上癮？她笑言︰「希望有機會再玩，我係幼兒班。（台下觀眾為你起哄？）可能佢哋無諗到我會玩呢樣嘢，多謝佢哋支持，無大家支持，我出年就無得玩。（出年挑戰性感動漫人物？）唔知㗎，我今次係箍住無乜身材。」