產前肚圍達45吋 孫慧雪誕9磅囝囝︰個肚鬆晒

孫慧雪（雪雪）今年一月宣布懷第二胎，今胎孕肚較正常尺吋大，雪雪因此被迫暫停幕前工作；日前，她更坦言肚圍已達45吋，體重165磅，連走路也大感不便。前晚，雪雪宣布已誕下細仔，只見BB相當大隻，擁有肉肉面珠和大腿，非常可愛。她接受本報訪問說︰「細佬出世差不多有九磅，我開刀生產，刀口比較大，傷口都幾痛。今次先生有陪產，上次生大仔，佢跟BB去咗產房丟低我；今次佢算識做啦，留低陪我！」

雪雪指因細仔身形較長，懷孕後期較辛苦，「BB隻腳成日撑住我，搞到我唔係好瞓到覺，又食唔到嘢勁多胃氣，成日有火燒心感覺。（生完輕鬆晒？）依家我個肚就真係鬆晒！腹肌無晒，醫生話因為我兩胎都比較大，惟有之後努力運動keep fit。」